ഡല്‍ഹി മുഖ്യമന്ത്രി അരിവിന്ദ് കെജിരിവാള്‍ സ്ഥാനം ഒഴിയണോ എന്ന കാര്യത്തില്‍ ജനഹിത പരിശോധന നടത്തുമെന്ന് ആംആദ്മി പാര്‍ട്ടി. പാര്‍ട്ടി കണ്‍വീനര്‍ കൂടിയായ കെജിരിവാളിന്റെ അറസ്റ്റിനെക്കുറിച്ചുള്ള ഊഹാപോഹങ്ങള്‍ക്കിടയിലാണ് പാര്‍ട്ടി ഇത്തരത്തിലൊരാലോചന നടത്തുന്നത്.
അദ്ദേഹത്തെ അറസ്റ്റ് ചെയ്യുമോയെന്ന ഭയത്തിലൂമാണ് എഎപി.2021–2022ല്‍ ഡല്‍ഹി എക്‌സൈസിന്റെ മദ്യനയവുമായി ബന്ധപ്പെട്ട് നവംബര്‍ രണ്ടിന് ഹാജരാകാന്‍ ഇഡി അദ്ദേഹത്തോട് ആവശ്യപ്പെട്ടിരുന്നു. എന്നാല്‍ അദ്ദേഹം ഹാജരായില്ല. ഇത്തരമൊരു സാഹചര്യത്തില്‍ കെജിരിവാളിനെ അറസ്റ്റ് ചെയ്യന്‍ സാധ്യതയുണ്ടെന്ന വിലയിരുത്തലിലാണ് എഎപി നേതാക്കള്‍.
കഴിഞ്ഞ രണ്ട് ദിവസങ്ങളിലായി കെജ്‌രിവാൾ തന്റെ നിയമസഭാംഗങ്ങളുമായും കൗൺസിലർമാരുമായും തുടർച്ചയായി കൂടിക്കാഴ്ചകൾ നടത്തി. ആ യോഗങ്ങളുടെ തീരുമാനത്തിന്‍റെ അടിസ്ഥാനത്തില്‍ ഡൽഹിയിൽ ജനസമ്പർക്ക പ്രചാരണം നടത്താൻ പാർട്ടി തീരുമാനിച്ചതായി ഡൽഹിയിലെ എഎപി മുനിസിപ്പൽ കോർപ്പറേഷൻ ഇൻചാർജ് ദുർഗേഷ് പതക് പറഞ്ഞു.മുഖ്യമന്ത്രി അരവിന്ദ് കെജ്‌രിവാൾ തിഹാർ ജയിലിൽ നിന്ന് സർക്കാരിനെ നയിക്കണമോ അതോ അദ്ദേഹം സ്ഥാനമൊഴിയണമോ എന്നതിനെക്കുറിച്ച് ഞങ്ങൾ ഡൽഹിയിൽ ജനഹിതപരിശോധന നടത്തും കഴിഞ്ഞ ദിവസം വൈകുന്നേരത്തെ ഉന്നതതല യോഗത്തിന് ശേഷം പതക് പറഞ്ഞു.
ഈ വിഷയവുമായി ബന്ധപ്പെട്ട് പാര്‍ട്ടി വീടുവീടാന്തരം കറയി ഇറങ്ങി റഫറണ്ടം നടത്തുമെന്നും അദ്ദേഹം കൂട്ടിച്ചേര്‍ത്തു. ഈ വിഷയത്തില്‍ തെരുവോരങ്ങളില്‍ യോഗങ്ങള്‍ സംഘടിപ്പികക്കുമെന്നും പഥക് അഭിപ്രായപ്പെട്ടു. മുഖ്യമന്ത്രി സ്ഥാനം രാജിവെക്കരുതെന്ന് എഎപി കൗൺസിലർമാർ അരവിന്ദ് കെജ്രിവാളിനോട് ആവശ്യപ്പെട്ടു. ആവശ്യമെങ്കിൽ തിഹാർ ജയിലിൽ നിന്ന് സർക്കാരിനെ നയിക്കാൻ ഡൽഹി അദ്ദേഹത്തോട് അഭ്യർത്ഥിച്ചതായുംദുർഗേഷ് പതക് പറഞ്ഞു .
കൗണ്‍സിലര്‍മാരുമായുള്ള ചര്‍ച്ചയില്‍ ഡല്‍ഹിയില്‍ ബിജെപി നടത്തുന്ന ഇടപെടലുകളും, തന്ത്രങ്ങളും കെജിരിവാള്‍ ചര്‍ച്ചചെയ്തു. പാര്‍ട്ടി നേതാക്കളെ അറസ്റ്റ് ചെയ്തുകൊണ്ട് എഎപിയെ തകര്‍ക്കാനുള്ള പദ്ധതിയാണ് ബിജെപി തയ്യാറാക്കിയിരിക്കുന്നത്. അതിന്‍റെ ഭാഗമായിട്ടാണ് സത്യേന്ദര്‍ ജെയിനിനെയും, മനീഷ് സിസോദിയെയും അറസ്റ്റ് ചെയ്തതത്. ഇപ്പോള്‍ പാര്‍ട്ടി കണ്‍വീനര്‍ കൂടിയായ കെജിരിവാളിനെ അറസ്റ്റ് ചെയ്യാനുള്ള നീക്കവുമെന്ന് പതക് അഭിപ്രായപ്പെട്ടു.
ഡൽഹി നിയമസഭാംഗങ്ങളുമായും കൗൺസിലർമാരുമായും യോഗങ്ങൾ നടക്കുന്നത് വിശദമായ പദ്ധതി പ്രകാരമാണ്. എഎപി എംഎൽഎമാരുമായി കെജ്‌രിവാൾ നടത്തിയ കൂടിക്കാഴ്ചയ്ക്ക് ശേഷം, കോടതി അനുവദിച്ചാൽ ഡൽഹി മന്ത്രിസഭയെ തിഹാർ ജയിലിൽ നിന്ന് നയിക്കാൻ തയ്യാറാണെന്ന് പാർട്ടി വ്യക്തമാക്കി.
English Sumamry:
The Aam Aadmi Party will hold a referendum on whether Kejiriwal should step down as Chief Minister
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.