കു​തി​ര​വ​ട്ടം മാ​ന​സി​കാ​രോ​ഗ്യ ​കേ​ന്ദ്ര​ത്തി​ലെ യു​വ​തി​യു​ടെ മ​ര​ണ​ത്തി​ൽ ദുരൂഹത

കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്ര​ത്തി​ല്‍ യു​വ​തി​യെ മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ദു​രൂ​ഹ​ത. മ​ഹാ​രാ​ഷ്ട്ര സ്വ​ദേ​ശി​നി ജി​യറാം ​ജി​ലോ​ട്ട്(30)​ആ​ണ് മ​രി​ച്ച​ത്. ​യുവതി​യു​ടെ ത​ല​യ്ക്ക് പി​ന്നി​ല്‍ ശ​ക്ത​മാ​യ അ​ടി​യേ​റ്റ മു​ഴ​യു​ണ്ട്. ക​ഴു​ത്തി​ല്‍ ന​ഖ​ത്തിന്റെ പാ​ടു​ക​ളും കണ്ടെത്തി. മൂ​ക്കി​ല്‍ നി​ന്നും ചെ​വി​യി​ല്‍ നി​ന്നും ര​ക്തം ഒ​ഴു​കിയ നിലയിലാണ് മൃതദേഹം കണ്ടെത്തിയത്. സം​ഭ​വ​ത്തി​ല്‍ അ​സ്വ​ഭാ​വി​ക മ​ര​ണ​ത്തി​ന് മെ​ഡി​ക്ക​ല്‍ കോ​ള​ജ് പൊ​ലീ​സ് കേസെടുത്തിരുന്നു.

വ്യാ​ഴാ​ഴ്ച രാ​വി​ലെ അ​ഞ്ച​ര​യോ​ടെയാണ് യു​വ​തി​യെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മാ​ന​സി​കാ​രോ​ഗ്യ ​കേ​ന്ദ്ര​ത്തി​ലെ മ​റ്റൊ​രു അ​ന്തേ​വാ​സി​നി​യും ഇ​വ​രു​മാ​യി വ​ഴ​ക്കു​ണ്ടാ​യി​രു​ന്ന​താ​യി അ​ധി​കൃ​ത​ർ പ​റ​യു​ന്നു. ഒ​രേ സെ​ല്ലി​ലു​ണ്ടാ​യി​രു​ന്ന കൊ​ൽ​ക്ക​ത്ത സ്വ​ദേ​ശി​നി​യും ജി​യ​യു​മാ​യാ​ണ് ബു​ധ​നാ​ഴ്ച വൈ​കി​ട്ട് വഴക്കു​ണ്ടാ​യ​ത്. കൊ​ൽ​ക്ക​ത്ത സ്വ​ദേ​ശി​നി​ക്ക് പ​രു​ക്കേ​റ്റ​തി​നെ തു​ട​ർ​ന്ന് ജി​യ​യെ മറ്റൊരു സെല്ലിലാക്കിയിരുന്നു.

ക​ഴി​ഞ്ഞ മാ​സം അ​വ​സാ​നം ത​ല​ശേ​രി മ​ഹി​ളാ​മ​ന്ദി​ര​ത്തി​ൽ​നി​ന്നു​മാ​ണ് ജി​യ​യെ കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്ര​ത്തി​ൽ പ്ര​വേ​ശി​പ്പി​ച്ച​ത്. മ​ഹാ​രാ​ഷ്ട്ര​യി​ൽ വ​ച്ച് പ​രി​ച​യ​പ്പെ​ട്ട ത​ല​ശേ​രി സ്വ​ദേ​ശി​യെ വി​വാ​ഹം ക​ഴി​ച്ചു​വെ​ന്നും ആ ​ബ​ന്ധ​ത്തി​ൽ ഒ​രു കു‍​ഞ്ഞു​ണ്ടാ​യ ശേ​ഷം അ​യാ​ൾ ഉ​പേ​ക്ഷി​ച്ചു പോ​യെ​ന്നു​മാ​ണു ജി​യ ന​ൽ​കി​യ മൊ​ഴി. ഭ​ർ​ത്താ​വി​നെ അ​ന്വേ​ഷി​ച്ചാ​ണു ത​ല​ശേ​യി​ലെ​ത്തി​യ​ത്. മ​ഹി​ളാ​മ​ന്ദി​ര​ത്തി​ൽ മാ​ന​സി​കാ​സ്വാ​സ്ഥ്യം പ്ര​ക​ടി​പ്പി​ച്ച​തി​നെ തു​ട​ർ​ന്ന് ജി​യ​യെ അ​വി​ടെ നി​ന്നു കു​തി​ര​വ​ട്ടം മാ​ന​സി​കാ​രോ​ഗ്യ​കേ​ന്ദ്ര​ത്തി​ലേ​ക്കു മാറ്റുകയായിരുന്നു.

eng­lish sum­ma­ry; the death of a young woman at the kuthi­ra­vat­tam Men­tal Health Center

you may also like this video;