ഉത്തർപ്രദേശ് ഗോരഖ്പൂരിൽ നടന്ന ദേശീയ ജൂനിയർ ത്രോബോൾ മത്സരത്തിൽ ആൺകുട്ടികളുടെ വിഭാഗത്തിൽ ആദ്യമായി രണ്ടാം സ്ഥാനം നേടിയ കേരളാ ടീം അംഗം ഫ്രഡി ഡി ജൂലിയസിന് മാവേലിക്കരയിൽ ഹൃദ്യമായ സ്വീകരണം നൽകി.
5-ാം തവണയാണ് ഫ്രഡി കേരളത്തിനു വേണ്ടി ദേശീയ മത്സരത്തിൽ പങ്കെടുക്കുന്നത്. ഉളുന്തി തോപ്പിൽ ജോൺ ജെ ഡയ്സന്റെയും മാർഗരറ്റ് സേവ്യറുമാണ് മാതാപിതാക്കൾ. ത്രോബോൾ അസോസിയേഷനു വേണ്ടി ജില്ലാ പ്രസിഡന്റും മുൻ എംഎൽഎയുമായ ആർ രാജേഷ് സ്വീകരിച്ചു.
മുനിസിപ്പാലിറ്റിക്കു വേണ്ടി വൈസ് ചെയർപേഴ്സൻ ലളിത രവീന്ദ്രനും സ്വീകരണത്തിന് നേതൃത്വം നൽകി. സ്റ്റാന്റിങ്ങ് കമ്മറ്റി അംഗങ്ങളായ അനിവർഗീസ്, എസ് രാജേഷ്, സജീവ് പ്രായിക്കര, കൗൺസിലർ മനസ് രാജപ്പൻ, സ്പോർട്ട് കൗൺസിൽ അംഗം ഡേവിഡ് ജോസഫ്, ത്രോബോൾ അസോസിയേഷൻ ട്രഷറർ നവീൻ മാത്യു ഡേവിസ്, സെക്രട്ടറി യദുകൃഷ്ണൻ, കമ്മറ്റി അംഗം സുധീപ് ജോൺ, ദേശീയ താരങ്ങളായ അഭിരാം, സേവ്യർ, ജോൺ ഉളുന്തി, അമ്പിളി, അഖിൽ, എബി എന്നിവരും ഹാരമണിയിച്ച് സ്വീകരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.