ശബരിമല തീര്ത്ഥാടകര്ക്ക് ശനിയാഴ്ച മുതല് പമ്പാ ത്രിവേണിയിലെ നിശ്ചിത സ്ഥലത്ത് സുരക്ഷിതമായി സ്നാനം ചെയ്യുന്നതിന് അനുമതി നല്കിയതായി പത്തനംതിട്ട ജില്ലാ കളക്ടര് ഡോ. ദിവ്യ എസ് അയ്യര് പറഞ്ഞു. ത്രിവേണി മുതല് നടപ്പാലം വരെയുള്ള 150 മീറ്ററിലും പാലത്തിനു ശേഷമുള്ള 170 മീറ്റര് സ്ഥലത്തുമാണ് സ്നാനം അനുവദിക്കുക .
പമ്പയില് നിന്നും നീലിമല, അപ്പാച്ചിമേട്, മരക്കൂട്ടം വഴിയുള്ള പരമ്പരാഗത പാത ഞായറാഴ്ച പുലര്ച്ചെ രണ്ടു മുതല് തീര്ത്ഥാടകര്ക്കായി തുറന്നുകൊടുത്തു. പുലര്ച്ചെ രണ്ടു മുതല് രാത്രി എട്ടു വരെയാണ് ഇതുവഴി തീര്ത്ഥാടകരെ കടത്തിവിടുക. തീര്ത്ഥാടകര്ക്ക് നീലിമല വഴിയും, സ്വാമി അയ്യപ്പന് റോഡു വഴിയും സന്നിധാനത്തേക്ക് പോകാം. പരമ്പരാഗത പാതയില് ഏഴ് എമര്ജന്സി മെഡിക്കല് സെന്ററുകളും നീലിമല, അപ്പാച്ചിമേട് എന്നിവിടങ്ങളിലായി രണ്ട് കാര്ഡിയോളജി സെന്ററുകളും പ്രവര്ത്തിക്കും. കുടിവെള്ളത്തിനായി 44 കിയോസ്കുകളും, ചുക്കുവെള്ള വിതരണ സംവിധാനവും തയാറാക്കിയിട്ടുണ്ട്.
56 ടോയ്ലറ്റ് യൂണിറ്റുകളും തയാറായി.അയ്യപ്പസേവാസംഘത്തിന്റെ 40 വോളണ്ടിയര്മാര് അടങ്ങുന്ന സ്ട്രച്ചര് യൂണിറ്റുകളും സജ്ജമായി.തീര്ത്ഥാടകര്ക്ക് സന്നിധാനത്ത് താമസിക്കുന്നതിന് അനുമതി നല്കിയിട്ടുണ്ട്.മുറികള് ആവശ്യമുള്ളവര്ക്ക് സന്നിധാനത്ത് എത്തി ബുക്ക് ചെയ്യാം.
ENGLISH SUMMARY;The Pampa-Sannidhanam traditional road will open today
YOU MAY ALSO LIKE THIS VIDEO;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.