രഞ്ജി ട്രോഫിയില്‍ ഇന്ന് ഫൈനലിന് തുടക്കം. ശക്തരായ മുംബൈയും ടൂര്‍ണമെന്റിലെ കറുത്തകുതിരകളായി കലാശപ്പോരിന് യോഗ്യതനേടിയ മധ്യപ്രദേശുമാണ് ഏറ്റുമുട്ടുക. ബംഗളുരുവിലെ ചിന്നസ്വാമി സ്റ്റേഡിയത്തില്‍ രാവിലെ 9.30 നാണ് മത്സരം ആരംഭിക്കുക. പൃഥ്വി ഷാ നയിക്കുന്ന മുംബൈ ടീമില്‍ യശസ്വി ജയ്സ്വാള്‍, സര്‍ഫറസ് ഖാന്‍, അര്‍മാന്‍ ജാഫര്‍, ധവാല്‍ കുല്‍ക്കര്‍ണി, തുഷാര്‍ ദേശ്പാണ്ഡെ, ശാംസ് മുലാനി തുടങ്ങിയവര്‍ ഉള്‍പ്പെടുന്നു.
ആദിത്യ ശ്രീവാസ്തവ നയിക്കുന്ന മധ്യപ്രദേശ് ടീമില്‍ ഹിമാന്‍ഷു മന്ത്രി, ശുഭം ശര്‍മ്മ, യാഷ് ദുബെ, രജത് പാട്ടിദാര്‍, അക്ഷത് രഘുവംശി തുടങ്ങിയവരാണ് പ്രധാന താരങ്ങള്‍. സെമിഫൈനലില്‍ ബംഗാളിനെ 174 റണ്‍സിന് തോല്പിച്ചാണ് മധ്യപ്രദേശ് ഫൈനലിലെത്തിയത്. ഉത്തര്‍പ്രദേശിനെതിരെ ഒന്നാം ഇന്നിങ്സ് ലീഡിന്റെ പിന്‍ബലത്തിലായിരുന്നു മുംബൈ കലാശപ്പോരില്‍ ഇടംനേടിയത്.
English Summary:The Ranji Trophy final starts today
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.