പത്തനംതിട്ട കോന്നി പയ്യനാമണ്ണിൽ രണ്ട്‌ ദിവസത്തെ പഴക്കമുളള മൃതദേഹങ്ങള്‍ കണ്ടെത്തി. പത്തലുകുത്തി തെക്കിനേത്ത്‌ സോണി സ്‌കറിയ(52), ഭാര്യ റീന(45), മകൻ റയാൻ(7) എന്നിവരെയാണ്‌ മരിച്ച നിലയിൽ കണ്ടെത്തിയത്.
ഭാര്യയെയും മകനെയും വെട്ടിക്കൊന്ന്‌ സോണി ആത്മഹത്യ ചെയ്‌തതാണെന്നാണ്‌ പ്രാഥമിക നിഗമനം. മൂന്നു ദിവസമായി ഇവരെ കുറിച്ച് വിവരമില്ലാത്തിരുന്നതിനെ തുടർന്ന് ബന്ധുക്കൾ വന്നപ്പോഴാണ് മൂവരേയും വീടിനുള്ളിൽ മരിച്ച നിലയിൽ കണ്ടെത്തിയത്. ദീർഘനാളായി മക്കളില്ലാതിരുന്നതിനെ തുടർന്ന് റയാനെ ഇവർ ദത്തെടുത്തതാണ്. വിദേശത്ത്‌ നിന്നും അടുത്തിടെ നാട്ടില്‍ തിരിച്ചെത്തിയ സോണി വിഷാദരോഗത്തിന് ചികിത്സയിലായിരുന്നു. കുടുംബത്തിന്‌ സാമ്പത്തിക ബാധ്യതകൾ ഉണ്ടായിരുന്നതായും സൂചനയുണ്ട്‌.
English Summary: Three persons were found dead inside a house in Konni, Pathanamthitta
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.