റഷ്യന്‍ നിയന്ത്രണമേഖലയില്‍ കടന്നുകയറി ആക്രമണം നടത്തി ഉക്രെയ്ന്. ബെൽഗർദിലെ എണ്ണസംഭരണശാലയാണ് തകര്‍ത്തത്. അതിര്‍ത്തിയില്‍ നിന്നും 40 കിലോമീറ്റര്‍ അകലെയാണ് ഇത്. റോക്കറ്റുകൾ പതിക്കുന്ന വീഡിയോയും പുറത്തുവന്നു. അതേസമയം ആളപായമില്ല. എന്നാൽ, ആക്രമണത്തെ കുറിച്ച് ഉക്രെയ്ന് ഔദ്യോഗിക പ്രതികരണം നടത്തിയിട്ടില്ല. വ്യോമാക്രമണം ഇരുരാജ്യവും തമ്മിലുള്ള സമാധാന ചർച്ചയിൽ ആശ്വാസകരമായ ഉപാധികൾ വയ്‌ക്കുന്നതിന്‌ തടസ്സമാകുമെന്ന്‌ റഷ്യൻ വക്താവ്‌ ദിമിത്രി പെസ്‌കോവ്‌ പറഞ്ഞു.
ഉക്രെയ്ന്– റഷ്യ പ്രതിനിധികൾ വെള്ളിയാഴ്‌ച വീഡിയോ കോൺഫറൻസ്‌ വഴി സമാധാന ചർച്ച പുനഃരാരംഭിച്ചിരുന്നു. റഷ്യൻ സൈന്യം ചെർണോബിൽ വിട്ടതായി ഉക്രെയ്‌ൻ അധികൃതർ അറിയിച്ചു. ആണവ വികിരണം ഏറ്റതിനാലാണ്‌ പിന്മാറ്റമെന്നാണ്‌ വിവരം. വിവരം ഇതുവരെ സ്ഥിരീകരിച്ചിട്ടില്ല. ചെർണോബിലിൽ പരിശോധനയ്‌ക്ക്‌ സുരക്ഷാ സംഘത്തെ അയക്കുമെന്ന്‌ അന്താരാഷ്ട്ര ആണവോർജ ഏജൻസി അറിയിച്ചു.
English Summary:Ukraine destroyed Russian oil depot
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.