ഉപരാഷ്ട്രപതി സി പി രാധാകൃഷ്ണന്റെ സന്ദർശനത്തോടനുബന്ധിച്ച് സുരക്ഷാക്രമീകരണങ്ങളുടെ ഭാഗമായി തലസ്ഥാന നഗരത്തിൽ നാളെ (ഡിസംബർ 29) ഗതാഗത നിയന്ത്രണങ്ങളും സുരക്ഷാ ക്രമീകരണങ്ങളും ഏർപ്പെടുത്തി. കനകക്കുന്ന് കൊട്ടാരവളപ്പിൽ നടക്കുന്ന വസന്തോത്സവം, ന്യൂ ഇയർ ലൈറ്റിംഗ് എന്നിവ കാണാനെത്തുന്നവർക്കും നിയന്ത്രണങ്ങൾ ബാധകമാണ്. സുരക്ഷാ ക്രമീകരണങ്ങൾ കണക്കിലെടുത്ത് കനകക്കുന്ന് കോമ്പൗണ്ടിലേക്കുള്ള പൊതുജനങ്ങളുടെ പ്രവേശനം തിങ്കളാഴ്ച വൈകുന്നേരം 6 മണി മുതൽ 8 മണി വരെ ഉണ്ടായിരിക്കുന്നതല്ല. ഈ സമയത്ത് വസന്തോത്സവം കാണാനെത്തുന്നവർ സഹകരിക്കണമെന്ന് ടൂറിസം വകുപ്പ് അറിയിച്ചു.
ഉപരാഷ്ട്രപതിയുടെ യാത്രാസമയത്ത് വിമാനത്താവളം മുതൽ രാജ്ഭവൻ വരെയുള്ള പ്രധാന റോഡുകളിലും പരിസരങ്ങളിലും ഗതാഗത നിയന്ത്രണമുണ്ടാകും. വിമാനത്താവളം, റെയിൽവേ സ്റ്റേഷൻ എന്നിവിടങ്ങളിലേക്ക് പോകേണ്ട യാത്രക്കാർ മതിയായ സമയം മുൻകൂട്ടി കണ്ട് യാത്രകൾ ക്രമീകരിക്കണമെന്ന് സിറ്റി ട്രാഫിക് പൊലീസ് നിർദ്ദേശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.