തിരുവനന്തപുരത്ത് മോഷണക്കുറ്റമാരോപിച്ച് യുവതിക്ക് നടുറോഡിൽ മർദനം

തിരുവനന്തപുരം ശാസ്തമംഗലത്ത് മോഷണക്കുറ്റമാരോപിച്ച് യുവതിക്ക് നടുറോഡിൽ ക്രൂര മർദനം. കടയിൽനിന്ന് വള മോഷ്ടിച്ചെന്ന് ആരോപിച്ച് ബ്യൂട്ടിപാർലർ ഉടമയായ നീനയാണ് മരുതംകുഴി സ്വദേശിയായ യുവതിയെ മർദിച്ചത്. സംഭവത്തിൽ നീനയ്ക്കെതിരേ മ്യൂസിയം പൊലീസ് കേസെടുത്തു.

നീനയുടെ ബ്യൂട്ടിപാർലറിന് മുന്നിൽവച്ച് ഇന്നലെ ഉച്ചയ്ക്കാണ് സംഭവം. കടയ്ക്ക് മുന്നിൽവച്ച് യുവതിയെ ക്രൂരമായി മർദിക്കുന്ന ദൃശ്യങ്ങൾ പുറത്തുവന്നു. ഒപ്പമുണ്ടായിരുന്ന മകളുടെ കൺമുന്നിൽവച്ചായിരുന്നു യുവതിക്ക് മർദനമേറ്റത്. അതേസമയം മർദനമേറ്റ യുവതിക്ക് മാനസികാസ്വാസ്ഥ്യമുണ്ടെന്ന് സംശയിക്കുന്നതായി പൊലീസ് പറഞ്ഞു.

ബ്യൂട്ടിപാർലറിനുള്ളിൽ വന്നിരുന്നപ്പോൾ വള മോഷ്ടിച്ചെന്ന് ആരോപിച്ച് ഉടമ തന്നെ മർദ്ദിക്കുകയായിരുന്നുവെന്നാണ് യുവതിയുടെ പരാതി. അതേസമയം യുവതി കടയിലെത്തി ഒരു കസ്റ്റമറോട് ഫോൺ ആവശ്യപ്പെട്ടപ്പോൾ നൽകാതിരുന്നതാണ് പ്രശ്നങ്ങളുടെ തുടക്കമെന്നും പിന്നീട് തന്നെ അവർ അസഭ്യം പറയുകയായിരുന്നുവെന്നുമാണ് ബ്യൂട്ടിപാർലർ ഉടമയുടെ വാദം.

യുവതി കടയിൽനിന്ന് വള മോഷ്ടിച്ചെന്ന് സംശയമുള്ളതായും ഉടമ പറഞ്ഞു.സംഭവത്തിൽ യുവതിയുടെ മൊഴി വിശദമായി രേഖപ്പെടുത്തിയ ശേഷം മറ്റുനടപടികളിലേക്ക് കടക്കുമെന്ന് പൊലീസ് അറിയിച്ചു.

Eng­lish sum­ma­ry; women bru­tal­ly beat­en in thiruvananthapuram

You may also like this video;