വീര്യം കൂടിയ ലഹരി മരുന്നായ എംഡിഎംഎയുമായി യുവാവിനെ എക്‌സൈസ് പിടികൂടി. മുട്ടമ്പലം ഗണേശകൃപ വീട്ടിൽ സനിൻ (21) ആണ് കോട്ടയം റേഞ്ച് എക്‌സൈസ് ഇൻസ്‌പെക്ടർ പി വൈ ചെറിയാന്റെ നേതൃത്വത്തിലുള്ള എക്‌സൈസ് സംഘത്തിന്റെ പിടിയിലായത്.
കാരാപ്പുഴ ഭാഗത്ത് നിന്നുമാണ് മാരക ലഹരിയുമായി യുവാവിനെ പിടികൂടിയത്. സനിൻ ലഹരി ഇടപാടുകൾ നടത്തുന്നുണ്ടെന്ന വിവരം ലഭിച്ചതിനെത്തുടർന്ന ദിവസങ്ങളായി എക്‌സൈസ് സംഘം നിരീക്ഷിച്ച് വരികയും തുടർന്ന് ആവശ്യക്കാരെന്ന വ്യാജേന സമീപിച്ചാണ് സനിന്റെ പക്കൽനിന്ന് ലഹരിമരുന്ന് പിടികൂടിയത്. പ്രിവന്റീവ് ഓഫീസർ ഡി മനോജ്കുമാർ, ഗ്രേഡ് പി ഒ കണ്ണൻ, സിവിൽ എക്‌സൈസ് ഓഫീസർമാരായ വിപിൻ പി രാജേന്ദ്രൻ, ശ്യാംകുമാർ, മനു ചെറിയാൻ, രതീഷ് കെ നാണു, സോണിയ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
English Summary: Youth arrested with MDMA in Kottayam
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.