ഫേസ്ബുക്ക് ഫോളോവേഴ്സിന്റെ എണ്ണത്തില്‍ അകാരണമായി കുറവുണ്ടാകുന്നുവെന്ന വാര്‍ത്തകള്‍ക്ക് പിന്നാലെ സ്ഥാപകനും സിഇഒയുമായ മാര്‍ക്ക് സക്കര്‍ബര്‍ഗിനെ പിന്തുടരുന്നവരുടെ എണ്ണത്തിനും വന്‍ ഇടിവ്. 11.9 കോടി ഫോളോവര്‍മാരാണ് സക്കര്‍ബര്‍ഗിന് കുറഞ്ഞത്.
10000 ത്തില്‍ താഴെ ആളുകള്‍ മാത്രമാണ് നിലവില്‍ സക്കര്‍ബര്‍ഗിനെ പിന്തുടരുന്നതെന്ന് റിപ്പോര്‍ട്ടുകള്‍ പുറത്തുവന്നെങ്കിലും നിലവില്‍ 11 കോടിയില്‍ പരം അക്കൗണ്ടുകള്‍ പിന്തുടരുന്നതായി കാണിക്കുന്നുണ്ട്.
അതേസമയം ഒമ്പത് ലക്ഷത്തോളം വരുന്ന ഫോളോവര്‍മാര്‍ ഇല്ലാതായെന്നും നിലയില്‍ 9000 പേര്‍ മാത്രമാണ് തന്നെ പിന്തുടരുന്നതെന്ന് കാണിക്കുന്നതെന്നും ബംഗ്ലാദേശി എഴുത്തുകാരി തസ്ലീമ നസ്റീന്‍ ട്വീറ്റ് ചെയ്തിരുന്നു.
ഫേസ്ബുക്ക് അക്കൗണ്ടുകളില്‍ നിന്ന് ഫോളോവേഴ്സ് കുറയുന്നതായി ചിലര്‍ പരാതിപ്പെട്ടത് ശ്രദ്ധയില്‍പ്പെട്ടിട്ടുണ്ടെന്ന് മെറ്റ വക്താവ് പറഞ്ഞു. സാധാരണഗതിയിലേക്ക് മടക്കിക്കൊണ്ടുവരാനുള്ള ശ്രമങ്ങള്‍ ഊര്‍ജിതമായി തുടരുകയാണെന്നും തടസമുണ്ടായതില്‍ ഖേദിക്കുന്നതായും അദ്ദേഹം പറഞ്ഞു.
English Summary: Zuckerberg lost 11.9 crore followers
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.