ലിബിയയില്‍ രാഷ്ട്രീയ വിഭാഗങ്ങള്‍ തമ്മിലുള്ള ഏറ്റുമുട്ടലില്‍ 23 പേര്‍ കൊല്ലപ്പെട്ടു. ട്രിപളിയില്‍ നടന്ന ഏറ്റുമുട്ടലില്‍ നിരവധി പേര്‍ക്ക് പരിക്കേറ്റതായും റിപ്പോര്‍ട്ടുണ്ട്. മരിച്ചവരില്‍ മിലിഷ്യകളെയും അഴിമതിയെയും പരിഹസിച്ച യുവ ഹാസ്യനടന്‍ മുസ്തഫ ബറാകയും ഉള്‍പ്പെടുന്നു. നെഞ്ചില്‍ വെടിയേറ്റാണ് ഇദ്ദേഹം മരിച്ചത്. 2011ലെ ജനകീയ പ്രക്ഷോഭത്തില്‍ 30 വര്‍ഷത്തോളം രാജ്യം ഭരിച്ച മുഅമ്മര്‍ ഗദ്ദാഫിയെ അധികാരത്തില്‍ നിന്ന് പുറത്താക്കിയതോടെയാണ് ലിബിയയില്‍ ആഭ്യന്തരകലാപം രൂക്ഷമായത്.
രണ്ടുവര്‍ഷത്തോളമായി സംഘര്‍ഷങ്ങളൊന്നുമില്ലാതെ രാജ്യം ശാന്തമായിരുന്നു. സര്‍ക്കാര്‍ എതിരാളിയായ ഫത്ഹി ബഷഗ്ധയുടെ മിലിഷ്യയുടെ വാഹനവ്യൂഹത്തെ പിന്‍വലിക്കാന്‍ ശ്രമിച്ചതാണ് പ്രശ്‌നങ്ങള്‍ക്കു കാരണമായത്. പിന്നാലെ തലസ്ഥാനമായ ട്രിപളിയില്‍ ചെറിയ രീതിയില്‍ വെടിവെപ്പും സ്‌ഫോടനങ്ങളുമുണ്ടായി. ആഫ്രിക്കന്‍ രാജ്യങ്ങളില്‍ ഏറ്റവും സമ്പന്നതയില്‍ കഴിഞ്ഞ ലിബിയ നിരന്തരമുണ്ടായ കലാപങ്ങളും സംഘര്‍ഷങ്ങളും അരങ്ങേറിയതോടെയാണ് അസ്ഥിരമായത്. ലിബിയയില്‍ അടിയന്തര വെടിനിര്‍ത്തല്‍ ആവശ്യപ്പെട്ട് യുഎന്‍ രംഗത്തുവന്നിട്ടുണ്ട്.
English summary; 23 killed in clashes in Libya
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.