March 30, 2023 Thursday

Related news

March 29, 2023
March 27, 2023
January 31, 2023
January 27, 2023
January 25, 2023
January 18, 2023
January 17, 2023
January 11, 2023
January 10, 2023
January 9, 2023

എരുമേലി വിമാനത്താവളത്തിന് 307ഏക്കര്‍ കൂടി ഏറ്റെടുക്കും:മന്ത്രി കെ രാജൻ

Janayugom Webdesk
കോട്ടയം
January 9, 2023 10:29 pm

എരുമേലി വിമാനത്താവളത്തിനുള്ള ഭൂമി ഏറ്റെടുക്കൽ നടപടികൾ വേഗത്തിലാക്കുമെന്ന് മന്ത്രി കെ രാജൻ. ചെറുവള്ളി എസ്റ്റേറ്റിലെ 2263 ഏക്കറിന് പുറമെ എസ്റ്റേറ്റിന് പുറത്തുനിന്നും 307 ഏക്കർ ഭൂമി കൂടി ഏറ്റെടുക്കും. എസ്റ്റേറ്റ് ഭൂമിക്ക് പുറമെ 301 ഹെക്ടർ ഭൂമി കൂടി അധികമായി വേണമെന്ന് ഏവിയേഷൻ വകുപ്പ് ആവശ്യപ്പെട്ടിരുന്നു. 

ലാന്റ് അക്വിസിഷൻ നടപടിയിലൂടെ എസ്റ്റേറ്റ് ഭൂമി വിമാനത്താവളത്തിനായി ഏറ്റെടുക്കാനുള്ള നടപടികളുമായി റവന്യു വകുപ്പ് മുന്നോട്ട് പോവുകയാണ്. ഇവിടെ സാമൂഹികാഘാത പഠനം ഉൾപ്പെടെയുള്ള നടപടി ക്രമങ്ങൾ നടന്നുവരികയാണ്. ശേഷിക്കുന്ന നടപടി ക്രമങ്ങളും പൂർത്തിയാക്കുന്നതിനു പിന്നാലെ വില നിശ്ചയിക്കുന്നതടക്കമുള്ള കാര്യങ്ങളിലേക്ക് കടക്കും.
നിലവിലുള്ള സിവില്‍ കേസ് സർക്കാരിന് അനുകൂലമായാൽ പണം നൽകാതെ തന്നെ ഭൂമി ഏറ്റെടുക്കാനാവും. മറിച്ചായാൽ എൽഎആർആർ 2013 പ്രകാരം പണം നൽകേണ്ടി വരും. 

ആ സമയത്ത് തർക്കം പരിഹരിക്കാനായില്ലെങ്കിൽ പണം കോടതിയിൽ കെട്ടിവച്ച് സ്ഥലം ഏറ്റെടുക്കാനുള്ള നടപടിക്രമങ്ങളുമായി മുന്നോട്ട് പോവുമെന്നും അദ്ദേഹം മാധ്യമപ്രവർത്തകരോട് പറഞ്ഞു. ജനവാസ മേഖലയും കാർഷിക മേഖലയും നിർബന്ധമായും ബഫർ സോണിൽ നിന്നും ഒഴിവാക്കണമെന്നത് സർക്കാർ നയമാണെന്നും അദ്ദേഹം ചൂണ്ടിക്കാട്ടി. 

Eng­lish Sum­ma­ry: 307 more acres will be acquired for Erumeli air­port: Min­is­ter K Rajan

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.