അവശ്യമരുന്നുകളുടെ ദേശീയ പട്ടികയിൽ ഉൾപ്പെട്ടവയില്‍ കേരളാ സ്റ്റേറ്റ് ഡ്രഗ്സ് ആന്റ് ഫാർമസ്യൂട്ടിക്കൽ (കെഎസ്ഡിപി) ഉല്പാദിപ്പിക്കുന്നത് 59 ഇനം മരുന്നുകൾ. പുതിയതായി ഉടൻ ഏഴ് മരുന്നുകളുടെ ഉല്പാദനം കൂടി ആരംഭിക്കും. അടുത്ത മാർച്ചോടെ 40 മരുന്നുകൾ കൂടി നിർമ്മിക്കാനുള്ള തയാറെടുപ്പിലാണ് കെഎസ്ഡിപി. അസതൈപ്രിൻ, മെറോപെനാ, മോണ്ടിലൂക്കാസ്റ്റ്, ടെൽമിസാർട്ടെൻ, ട്രാനെക്സാമിക്, ആസിർ, അട്രോവസ്റ്ററിൻ, സെഫ്യൂ, റോക്സി എന്നിവയുടെ നിർമ്മാണമാണ് ഉടൻ ആരംഭിക്കുക.
ആറ് മാസത്തെ സ്ഥിരതാ പഠനത്തിന് ശേഷം ഡ്രഗ്സ് കൺട്രോളർക്ക് റിപ്പോർട്ട് സമർപ്പിച്ചശേഷമായിരിക്കും 40 മരുന്നുകളുടെ നിർമ്മാണം ആരംഭിക്കുവാൻ അനുമതി ലഭിക്കുക. സംസ്ഥാന സർക്കാർ അനുവദിച്ച 58 കോടി രൂപ ഉപയോഗിച്ചുള്ള മരുന്ന് നിർമ്മാണശാലയുടെ പ്രവർത്തനങ്ങൾ പുരോഗമിക്കുകയാണ്. യന്ത്രസാമഗ്രികള്‍ ഉൾപ്പടെ വാങ്ങി. മരുന്ന് നിർമ്മാണത്തിനായുള്ള ഒരുക്കങ്ങൾ പുരോഗമിക്കുകയാണെന്ന് കെഎസ്ഡിപി എംഡി ഇ എ സുബ്രഹ്മണ്യം ജനയുഗത്തോട് പറഞ്ഞു.
ആറുമാസത്തെ നിരീക്ഷണ കാലയളവിന് ശേഷം മാത്രമാണ് കെഎസ്ഡിപി പുതിയ മരുന്നുകൾ നിർമ്മിക്കുന്നത്. മരുന്നുകൾ വേഗം നശിക്കാതിരിക്കാനായുള്ള അലുമിനിയം ഫോയിലുകൾ ഉൾപ്പെടെയുണ്ടാകും. അവശ്യമരുന്ന് പട്ടികയിൽപ്പെട്ട കൂടുതൽ ഇനം മരുന്നുകൾ കെഎസ്ഡിപി നിർമ്മിക്കുന്നത് ജനങ്ങൾക്ക് കൂടുതൽ സഹായകരവുമാകും.
English Summary: 59 types of essential medicines are manufactured in KSDP
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.