ജാതിമതഭേദങ്ങള്ക്ക് അതീതമായി മനുഷ്യത്വത്തിന്റെ മഹത്വം വിളംബരം ചെയ്യുന്ന ശ്രീനാരായണ ഗുരുവിന്റെ നവോത്ഥാന സന്ദേശങ്ങള് എന്നത്തേക്കാളും ആര്ജ്ജവത്തോടെ ഉയര്ത്തിപ്പിടിക്കുകയും ജീവിതത്തില് പകര്ത്തുകയും ചെയ്യേണ്ട കാലഘട്ടമാണിതെന്ന് മുഖ്യമന്ത്രി പിണറായി വിജയന്. സാഹോദര്യവും സമത്വവും ദുര്ബലപ്പെടുത്തുന്ന വര്ഗീയരാഷ്ട്രീയ പ്രത്യയശാസ്ത്രങ്ങളും മുതലാളിത്ത ആശയങ്ങളും ഉയര്ത്തുന്ന വെല്ലുവിളികള് മറികടന്ന് ഐക്യത്തോടെ നില്ക്കേണ്ട സന്ദര്ഭമാണിത്. എങ്കില് മാത്രമേ നിലവിലെ പ്രതിസന്ധികള് പരിഹരിച്ച് സമാധാനവും സമൃദ്ധിയും നിറഞ്ഞ നവലോകം പടുത്തുയര്ത്തനാകൂവെന്നും ചതയദിന സന്ദേശത്തില് മുഖ്യമന്ത്രി പറഞ്ഞു.
ആ ഉദ്യമത്തിനു കരുത്തു പകരാന് ശ്രീനാരായണ ഗുരുവിന്റെ ദര്ശനങ്ങള്ക്കു സാധിക്കും. അവ കൂടുതല് ആഴത്തില് മനസ്സിലാക്കാനും പ്രചരിപ്പിക്കാനും സാമൂഹത്തിന്റെ പുരോഗതിയ്ക്കായി ഉപയോഗപ്പെടുത്താനും ആത്മാര്ഥമായ പരിശ്രമങ്ങള് ഉണ്ടാകണം. ഗുരുചിന്തകള് കൂടുതല് പ്രഭയോടെ ജ്വലിക്കട്ടെ- മുഖ്യമന്ത്രി ഫേസ്ബുക്ക് പോസ്റ്റില് പറഞ്ഞു.
ENGLISH SUMMARY;CM Facebook post about Sree Narayanaguru
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.