രാജ്യത്ത് വിവിധ ജയിലുകളിലായി തടവില്‍ കഴിയുന്നത് 4.83 ലക്ഷംപേര്‍. ഇവരില്‍ 76 ശതമാനത്തിലധികം വിചാരണത്തടവുകാരും 23 ശതമാനം കുറ്റവാളികളുമാണെന്ന് എന്‍സിആര്‍ബി പുറത്തുവിട്ട കണക്കുകള്‍ വ്യക്തമാക്കുന്നു.
4,926 വിദേശ തടവുകാരും രാജ്യത്തെ വിവിധ ജയിലുകളിലായി കഴിയുന്നുണ്ട്. ഭൂരിഭാഗം വിചാരണത്തടവുകാരും 18നും 30 നും ഇടയില്‍ പ്രായമുള്ളവരാണെന്നും ശിക്ഷിക്കപ്പെട്ടവരിൽ ഭൂരിഭാഗവും 30–50 വയസിനിടയിലുള്ളവരാണെന്നും എന്‍സിആര്‍ബി പറയുന്നു. മൊത്തം തടവുകാരിൽ 1.11 ലക്ഷം പേരാണ് ശിക്ഷിക്കപ്പെട്ടവര്‍. 3.68 ലക്ഷം പേര്‍ വിചാരണ നേരിടുന്നു. 96 ശതമാനം പുരുഷന്മാരും 3.98 ശതമാനം സ്ത്രീകളും 0.01 ശതമാനം ട്രാൻസ്‌ജെൻഡർമാരും ഉള്‍പ്പെടുന്നു.
ഏറ്റവും കൂടുതല്‍ തടവുകാരുള്ളത് ഉത്തർപ്രദേശിലാണ്. സംസ്ഥാനത്ത് 1.06 ലക്ഷം പേരാണ് ജയിലില്‍ കഴിയുന്നത്. കൂടാതെ ഏറ്റവും കൂടുതൽ ശിക്ഷിക്കപ്പെട്ട തടവുകാരും(26,607), വിചാരണ നേരിടുന്നവരും (80,267) യൂപിയില്‍ തന്നെയാണ്. ബീഹാർ 51,849, മധ്യപ്രദേശ് 45,456 എന്നീ സംസ്ഥാനങ്ങളാണ് തൊട്ടുപിറകില്‍.
english summary;There are 4.83 lakh inmates in jails
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.