വനിതാ നേതാവിന്റെ മോർഫ് ചെയ്ത അശ്ലീലവീഡിയോ പ്രചരിപ്പിച്ച യൂത്ത് കോൺ​ഗ്രസ് നേതാക്കൾക്കെതിരെ കേസ്

അശ്ലീലവീഡിയോ പ്രചരിപ്പിച്ചെന്ന കോൺ​ഗ്രസ് വനിത നേതാവിന്റെ പരാതിയില്‍ മൂന്ന് യൂത്ത് കോൺ​ഗ്രസ് നേതാക്കൾക്കെതിരെ കേസ്. സംഭവത്തിൽ മതിലകം പൊലീസാണ് കേസ് രജിസ്റ്റര്‍ ചെയ്തിരിക്കുന്നത്. സംസ്ഥാന ജനറൽ സെക്രട്ടറി ശോഭ സുബിൻ ഉൾപ്പടെയുള്ളവർക്കെതിരെയാണ് കേസെടുത്തിട്ടുണ്ട്.

കയ്പമംഗലത്തെ യൂത്ത് കോൺഗ്രസ് വനിതാനേതാവാണ് പരാതി നൽകിയത്. തന്റെ പേരും പദവിയും സഹിതം മോർഫ് ചെയ്ത അശ്ലീലവീഡിയോ സാമൂഹികമാധ്യമങ്ങളിലൂടെ പ്രചരിപ്പിച്ചുവെന്നാണ് ആരോപണം. ഐടി നിയമപ്രകാരമാണ് എഫ്ഐആർ രജിസ്റ്റർ ചെയ്തത്.

ശോഭ സുബിനെ കൂടാതെ നാട്ടിക നിയോജകമണ്ഡലം പ്രസിഡന്റ് സുമേഷ് പാനാട്ടിൽ, മണ്ഡലം ഭാരവാഹി അഫ്സൽ എന്നിവരുടെ പേരിലാണ് കേസ്. ശോഭ സുബിൻ നിയമസഭാ തെരഞ്ഞെടുപ്പിൽ കയ്പമംഗലം മണ്ഡലത്തിലെ യുഡിഎഫ് സ്ഥാനാർത്ഥിയായിരുന്നു.

eng­lish summary;Case filed against Youth Con­gress lead­ers for cir­cu­lat­ing mor­phed  video of a woman leader

you may also like this video;