പൊതുപരിപാടികളിൽ ഛായാഗ്രഹണ രംഗത്ത് നിറസാന്നിദ്ധ്യമായിരുന്ന ഡ്രോൺ പാടത്ത് മിശ്രിതം തളിക്കാനും എത്തിച്ചു. തിരുവല്ലയുടെ പടിഞ്ഞാറൻ പ്രദേശമായ അപ്പർ കുട്ടനാടൻ നെൽ പാടങ്ങളിൽ പെട്ട ഇടശ്ശേരി വരമ്പിനകം പാടത്ത് പോഷക മിശ്രിതം തളിക്കാനാണ് ഡ്രോൺ എത്തിച്ചത്. കായംകുളം കൃഷി വിജ്ഞാന കേന്ദ്രത്തിന്റേയും പാടശേഖര സമതിയുടേയും നേതൃത്വത്തിൽ പരീക്ഷണ തളിക്കലാണ് നടന്നത്.
സംപൂർണ്ണ മൂലകമായ മൈക്രോ ന്യൂട്രിയൻ മിശ്രിതമാണ് തളിച്ചത്.200 ഏക്കർ വിസ്തൃതിയുള്ള പാടശേഖരത്തിലെ 15 ഹെക്ടർ നിലത്തിലാണ് പരീക്ഷണ തളിക്കൽ വിജയകരമായി പൂർത്തിയാക്കിയത്. ഛായാഗ്രഹണ രംഗത്ത് നിന്ന് മിശ്രിതം തളിക്കലിന് ഡ്രോൺ എത്തിയതോടെ പാടത്തിന്റെ കരയിൽ ജനങ്ങൾ ആകാംക്ഷ ഭരിതരായി. മിശ്രിതം തളിക്കലിന് മുന്നോടിയായി നടന്ന ചടങ്ങ് വികസനകാര്യ സ്റ്റാൻഡിംഗ് കമ്മറ്റി ചെയർമാൻ ജയചന്ദ്രൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ജീൻസി ജോളി, ബ്ലോക്ക് പഞ്ചായത്ത് അംഗം അജിത്ത് കുമാർ പിഷാരത്ത്, വാർഡ് അംഗം മോളി സിമി, പാടശേഖര സെക്രട്ടറി സിറിയക് ജോസ് എന്നിവർ പങ്കെടുത്തു.
English Summary: Drone to sprinkle pesticides in fields
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.