സംസ്ഥാനത്തെ മികച്ച തൊഴിലാളികൾക്കുള്ള തൊഴിലാളി ശ്രേഷ്ഠ പുരസ്കാരം നാളെ വിതരണം ചെയ്യും. എറണാകുളം ടൗൺ ഹാളിൽ രാവിലെ 10ന് നടക്കുന്ന ചടങ്ങിൽ തൊഴിൽ മന്ത്രി വി ശിവൻകുട്ടി പുരസ്കാര വിതരണം നടത്തും.
ടി ജെ വിനോദ് എംഎൽഎ അധ്യക്ഷത വഹിക്കുന്ന പരിപാടിയിൽ കൊച്ചി മേയർ എം അനിൽകുമാർ, എംപിമാരായ ഹൈബി ഈഡൻ, എളംമരം കരീം, ആർപിഎൽ മാനേജിങ് ഡയറക്ടർ ഡോ. ആർ അടലരശൻ എന്നിവർ മുഖ്യാതിഥികളായിരിക്കും. വകുപ്പ് സെക്രട്ടറി മിനി ആന്റണി, ലേബർ കമ്മീഷണർ ഡോ. എസ് ചിത്ര, തൊഴിലാളി യുണിയൻ നേതാക്കൾ തുടങ്ങിയവർ പങ്കെടുക്കും.
പതിനേഴ് തൊഴിൽ മേഖലകളെ തെരഞ്ഞെടുത്ത് വിവിധ മാനദണ്ഡങ്ങൾ പ്രകാരമുള്ള പരിശോധനയും വിലയിരുത്തലും അഭിമുഖവും നടത്തിയാണ് തൊഴിലാളി ശ്രേഷ്ഠരെ തീരുമാനിച്ചത്. തൊഴിലാളികളുടെ മികവിനെ വിലയിരുത്തി പുരസ്കാരം നൽകുണ രാജ്യത്തെ പ്രഥമ പദ്ധതിയാണിത്. തെരഞ്ഞെടുക്കപ്പെട്ട 17 മികച്ച തൊഴിലാളികൾക്ക് ഒരു ലക്ഷം രൂപയും പ്രശസ്തിപത്രവും ഫലകവും പുരസ്കാരമായി നൽകും.
English summary; Award Ceremony tomorrow
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.