കണ്ടല്ലൂർ വടക്ക് മുകുന്ദ വിലാസം എൽ പി സ്കൂൾ വാർഷികവും കലാകായിക പൊതുവിജ്ഞാന മത്സരങ്ങളിൽ മികവ് തെളിയിച്ച കുട്ടികൾക്കുള്ള അവാർഡ് വിതരണവും സംഘടിപ്പിച്ചു. പി ടി എ പ്രസിഡന്റ് മനോജിന്റെ അദ്ധ്യക്ഷതയിൽ കൂടിയ പൊതുസമ്മേളനം മുതുകുളം ബ്ലോക്ക് പഞ്ചായത്ത് പ്രസിഡന്റ് അംബുജാക്ഷി ടീച്ചർ ഉദ്ഘാടനം ചെയ്തു. ഹെഡ്മിസ്ട്രസ്സ് എൽ ശശികല സ്വാഗതം പറഞ്ഞു.
ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ബീനാ സുരേന്ദ്രൻ, വാർഡ് അംഗങ്ങളായ വീണാ അജയകുമാർ, സുനി വിജിത്ത്, പ്രൊഫസർ എസ് ഗോവിന്ദപ്പിള്ള, വൈ രാജീവ്, കെ ഭൻസരിദാസ്, എസ് സുഭാഷ് ബാബു, എന്നിവർ സംസാരിച്ചു. സ്കൂൾ ഹെഡ്മിസ്ട്രസ് അവാർഡ് വിതരണം നടത്തി. സ്റ്റാഫ് സെക്രട്ടറി അഞ്ജന കെ നന്ദി പറഞ്ഞു. വാർഷിക പരിപാടിയോടനുബന്ധിച്ച് കുട്ടികളുടെ വിവിധ കലാപരിപാടികളും സമ്മാന വിതരണവും നടന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.