രോഗിയായ ഭാര്യയെ കൈവണ്ടിയിൽ ആശുപത്രിയിലെത്തിച്ച സംഭവം: അന്വേഷണത്തിന് ഉത്തരവ്

രോഗിയായ ഭാര്യയെ ആശുപത്രിയിലെത്തിക്കാൻ അൻഡാവൂർ സ്വദേശിയായ സകുൽ പ്രജാപതിക്കു കൈവണ്ടി ഉപയോഗിക്കേണ്ടി വന്ന സംഭവത്തെക്കുറിച്ച് അന്വേഷിക്കാൻ യുപി ഉപമുഖ്യമന്ത്രി ഉത്തരവിട്ടു.

വാഹനം കിട്ടാത്തതിനാൽ മൂന്ന് കിലോമീറ്റർ അകലെയുള്ള ബല്ലിയയിലെ ആശുപത്രിയിലേക്ക് പ്രജാപതി ഭാര്യ ജോഗ്നിയെ (55) കൈവണ്ടിയിലിരുത്തി വലിച്ചുകൊണ്ടു പോവുന്ന വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. കഴിഞ്ഞമാസം 28നായിരുന്നു സംഭവം.

ഡോക്ടർമാരുടെ നിർദേശപ്രകാരം പിന്നീട് മിനി ട്രക്കിൽ ജില്ലാ ആശുപത്രിയിലെത്തിച്ചെങ്കിലും ജോഗ്നി മരിച്ചു. എന്നാൽ മൃതദേഹം കൊണ്ടുപോകാൻ ആംബുലൻസ് നൽകാൻ ആശുപത്രി അധികൃതർ വിസമ്മതിച്ചു. സർക്കാരിന്റെ വീഴ്ചയ്ക്കെതിരെ സമാജ്വാദി പാർട്ടി നേതാവ് അഖിലേഷ് യാദവ് ഉൾപ്പെടെയുള്ളവർ രംഗത്തുവന്നിരുന്നു.

Eng­lish summary;Incident in which a sick wife was tak­en to the hos­pi­tal in a hand­cart: order for investigation

You may also like this video;