ഈ വര്‍ഷം ഒക്ടോബറില്‍ നടക്കുന്ന ടി20 ലോകകപ്പിന് മുമ്പ് ഇന്ത്യക്ക് വിശ്രമമില്ലാത്ത പരമ്പരകളാണ് മുന്നിലുള്ളത്. ഐപിഎല്‍ കഴിഞ്ഞയുടന്‍ ദക്ഷിണാഫ്രിക്ക, വെസ്റ്റിന്‍ഡീസ്, ഇംഗ്ലണ്ട് എന്നിവര്‍ക്കെതിരെയെല്ലാം ഇന്ത്യ പരമ്പര കളിക്കുന്നുണ്ട്. ഇപ്പോഴിതാ ലോകകപ്പിന് മുമ്പ് ടി20 പരമ്പര കളിക്കാന്‍ ഓസ്ട്രേലിയയും ഇന്ത്യയിലേക്കെത്തുമെന്നാണ് റിപ്പോര്‍ട്ട്.
മൂന്ന് ടി20 മത്സരങ്ങളുടെ പരമ്പരയാണ് നിശ്ചയിച്ചിരിക്കുന്നത്. സെപ്റ്റംബറിലാകും ഈ പരമ്പര അരങ്ങേറുക. ഈ വര്‍ഷം ഒക്ടോബര്‍-നവംബര്‍ മാസങ്ങളിലാണ് ഓസ്ട്രേലിയയില്‍ ടി20 ലോകകപ്പ് നടക്കുന്നത്. കഴിഞ്ഞ തവണ യുഎഇയില്‍ നടന്ന ലോകകപ്പില്‍ ഓസ്ട്രേലിയയാണ് കിരീടമുയര്‍ത്തിയത്.
ടി20 ലോകകപ്പിന് തൊട്ടുമുമ്പായി ആതിഥേയരായ ഓസ്ട്രേലിയയ്ക്കെതിരെ പരമ്പര കളിക്കാന്‍ അവസരം ലഭിക്കുന്നത് ഇന്ത്യക്ക് ഗുണകരമാവുമെന്നാണ് ബിസിസിഐയുടെ പ്രതീക്ഷ. 2021ലെ ടി20 ലോകകപ്പില്‍ ഇന്ത്യ ഏറ്റവും നിറം മങ്ങിയ പ്രകടനമാണ് കാഴ്ചവച്ചത്. ലോകകപ്പില്‍ ഇന്ത്യ സെമി കാണാതെ പുറത്തായിരുന്നു. അതുകൊണ്ട് ഇത്തവണ ശക്തമായ തിരിച്ചുവരവ് ഇന്ത്യക്ക് അത്യാവശ്യമാണ്.
English Summary:Australia arrives in India to prepare for World Cup
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.