വാരണാസി കാശി വിശ്വനാഥ ക്ഷേത്രത്തോട് ചേർന്നുള്ള ഗ്യാൻവാപി മസ്ജിദ് മേഖലയിൽ ശിവലിംഗം കണ്ടെത്തിയതായി അവകാശവാദം. ശിവലിംഗം കണ്ടെത്തിയ സ്ഥലം സീൽ ചെയ്യാൻ ജില്ലാ ഭരണകൂടം ഉത്തരവിട്ടു. വാരണാസി സിവിൽ കോടതിയുടെ നിർദേശത്തിന്റെ അടിസ്ഥാനത്തിലാണ് ജില്ലാ മജിസ്ട്രേറ്റിന്റെ നടപടി.
മസ്ജിദിലെ അവസാന ദിവസത്തെ സർവേ നടപടിക്ക് ശേഷമാണ് പരിസരത്തെ കിണറ്റിൽ ശിവലിംഗം കണ്ടെത്തിയതായി ഹർജിക്കാരുടെ അഭിഭാഷകർ അവകാശപ്പെട്ടത്. പിന്നാലെ മേഖല സീൽ ചെയ്യാൻ സിവിൽ കോടതി ഉത്തരവിടുകയായിരുന്നു. സർവേ നടപടികൾ പൂർത്തിയായെന്നും, റിപ്പോർട്ട് എത്രയും വേഗം സമർപ്പിക്കുമെന്നും കോടതി നിയോഗിച്ച അഡ്വക്കേറ്റ് കമ്മീഷണർമാർ പറഞ്ഞു.
മേഖലയിൽ വൻ സുരക്ഷാസന്നാഹം തുടരുകയാണ്. അതേസമയം, സർവേ നടപടി ചോദ്യം ചെയ്ത് മസ്ജിദ് കമ്മിറ്റി സമർപ്പിച്ച ഹർജി സുപ്രീംകോടതി നാളെ പരിഗണിക്കും. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് ഹർജി പരിഗണിക്കുന്നത്.
English summary;Shiva lingam in Gyanwapi Masjid area; The place is sealed by the district administration
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.