കാഞ്ഞാറില്‍ ഉരുള്‍പൊട്ടലിലകപ്പെട്ട കുടുംബത്തിലെ അഞ്ച് മൃതദേഹങ്ങളും കണ്ടെത്തി

തൊടുപുഴ കാഞ്ഞാറില്‍ ഉരുള്‍പൊട്ടലിലകപ്പെട്ട കുടുംബത്തിലെ എല്ലാവരുടെയും മൃതദേഹങ്ങള്‍ കണ്ടെത്തി. ചിറ്റടിച്ചാല്‍ സ്വദേശി സോമനും കുടുംബവുമാണ് മരിച്ചത്. സോമന്‍, അമ്മ തങ്കമ്മ, ഭാര്യ ജയ, മകള്‍ ഷിമ, മകളുടെ മകന്‍ ദേവാനന്ദ് എന്നിവരുടെ മൃതദേഹങ്ങളാണ് കണ്ടെത്തിയത്. ചെളിയില്‍ പുതഞ്ഞ നിലയിലായിരുന്നു മൃതദേഹങ്ങള്‍.

നാട്ടുകാരുടെയും എന്‍ഡിആര്‍എഫിന്റെയും അഗ്‌നിശമന സേനയുടെയും ഡോഗ് സ്‌ക്വാഡിന്റയും നേതൃത്വത്തിലാണ് രക്ഷാപ്രവര്‍ത്തനങ്ങള്‍ നടത്തിയത്. ടാപ്പിംഗ് തൊഴിലാളിയായ ജയന്‍ അഞ്ച് സെന്റ് പുരയിടത്തിലാണ് താമസിച്ചുവന്നത്. പുലര്‍ച്ചയോടെ കുതിച്ചെത്തിയ ഉരുള്‍പൊട്ടലില്‍ വീടുള്‍പ്പടെ ഒലിച്ചുപോകുകയായിരുന്നു.

Eng­lish sum­ma­ry; Five dead bod­ies of the land­slide-hit fam­i­ly were found in Kanjar

You may also like this video;