പകലിരവു പലകുറിയുദി-
ച്ചസ്തമിച്ചു പോയി
ഈ ഇടവഴി നടവഴിയിലൂ
ടൊരുപാടുചുവടുകൾ
പതിഞ്ഞു പോയി
അനുദിനവുമനവധി
അപരിചിതമുഖങ്ങളിതു വഴി
ഝടുതിയിൽ കടന്നു പോയി
കാത്തിരുന്നൊരാ മുഗ്ദഗാനം
മാത്ര മിനിയുമിതുവഴി
യൊഴുകിയെത്തിയില്ലാ
അനവദ്യ സുന്ദരമാ,മാഗാന
ധാരയാൽ
പീലി നീർത്താടുമെൻ
കാമനകൾ
വെൺകൊറ്റക്കുട ചൂടും
ചേതനകൾ
ഒരു രാഗമാലിക കോർത്തു-
കോർത്തുൾത്താരിൽ
സുരഭില മോഹങ്ങൾ
നെയ്തിടുമ്പോൾ
ആ ഗാനപൂരമെൻകാതിൽ
പതിച്ചാകിലുള്ളിൽ തുളുമ്പുമോ
മധുപാർവണം
അത്യപൂർവമാഗാനവീചികൾ
അലമാല തീർത്തിടും കല്പാന്തകാലവും
സുരഭിലമാമൊരാ പുളകോൽഗമ-
ത്തിനായ്കാതോർത്തിരുന്നീടുമെന്നുമെന്നും
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.