ഭരണഘടനയിൽ നിന്ന് ഇന്ത്യ ഒഴിവാക്കണമെന്ന് ബിജെപി എംപി: പ്രതിഷേധിച്ച് പ്രതിപക്ഷം

ഭരണഘടനയിൽ നിന്ന് ഇന്ത്യ എന്ന പേര് നീക്കണമെന്നാവശ്യപ്പെട്ട് ബിജെപി എംപി. ഉത്തരാഖണ്ഡിൽ നിന്നുള്ള എംപി നരേഷ് ബൻസാലാണ് രാജ്യസഭയിൽ ഇക്കാര്യം ഉന്നയിച്ചത്. ഭരണഘടനയിൽ ഇന്ത്യ അഥവാ ഭാരത് എന്നത് മാറ്റി ഭാരത് എന്ന് മാത്രമാക്കണമെന്നാണ് എംപിയുടെ ആവശ്യം. കൊളോണിയൽ ചിന്തയിൽ നിന്ന് സ്വാതന്ത്ര്യം നൽകണം. നരേന്ദ്ര മോഡിതന്നെ സ്വാതന്ത്ര്യദിന പ്രസംഗത്തിൽ കൊളോണിയൽ ചിന്താഗതി മാറ്റണമെന്ന് ആവശ്യപ്പെട്ടിരുന്നതായും നരേഷ് ബൻസാൽ പറഞ്ഞു.
രാജ്യസഭ നിയന്ത്രിച്ച പി ടി ഉഷ ഇത്തരം ആവശ്യങ്ങള്‍ ഉന്നയിക്കാന്‍ സമയം അനുവദിച്ചത് ചട്ടവിരുദ്ധമാണെന്ന് പ്രതിപക്ഷം കുറ്റപ്പെടുത്തി.
ബിജെപിയുടെ നയമാണ് എംപിയിലൂടെ പുറത്തുവന്നതെന്നും പ്രതിപക്ഷ നേതാക്കൾ ചൂണ്ടിക്കാട്ടി.

Eng­lish Sum­ma­ry: BJP MP wants to exclude India from Con­sti­tu­tion: Oppo­si­tion in protest

You may also like this video