താനെയിലെ ഫാക്ടറിയില്‍ വന്‍ സ്ഫോടനം. ജോലിക്കുകയറിയ നിരവധി പേര്‍ അകത്ത് കുടുങ്ങി കിടക്കുന്നതായി സംശയിക്കുന്നു. താനെയിലെ ഡോംബിവാലിയിലാണ് ഉഗ്രസ്ഫോടനമുണ്ടായത്. കെമിക്കല്‍ ഫാക്ടറിയിലെ ബോയിലറില്‍ തീ പടരുകയായിരുന്നു. എംഐഡിസി ഫേസ് 2 വിഭാഗത്തിലുണ്ടായിരുന്ന ബോയിലര്‍ ഉടന്‍ പൊട്ടിത്തെറിച്ചു ഉദ്യോഗസ്ഥര്‍ അഭിപ്രായപ്പെട്ടു മൂന്ന് പൊട്ടിത്തെറികൾ കമ്പനിക്കകത്ത് നിന്നും കേട്ടതായി കണ്ടുനിന്നവർ പറഞ്ഞു.

30 പേരെ ഇതുവരെ സ്ഥലത്ത് നിന്നും രക്ഷപ്പെടുത്തിയതായും പ്രദശവാസികൾ പറഞ്ഞു. 10 ഫയർ എഞ്ചിനുകളും കൂടെ ആംബുലൻസുകളും സ്ഥലത്തെത്തിയിട്ടുണ്ട്. 3 മണിക്കുറോളം അധ്വാനിച്ചാൽ മാത്രമെ തീ കെടുത്താനാകുവെന്നാണ് കമ്പനി അധികൃതരുടെ വിശദീകരണം.കൂടുതൽ പേരെ രക്ഷിക്കുന്നതിനായി തയ്യാറെടുക്കുകയാണ്.

രാവിലെ ജോലിക്ക് കയറിയ തൊഴിലാളികൾ പൊട്ടിത്തെറി നടക്കുമ്പോൾ കമ്പനിക്കകത്തുണ്ടായിരുന്നു തൊട്ടടുത്ത വീടുകളിലെ ജനാലകളും സംഭവത്തിൽ തകർന്നു. രണ്ട് കെട്ടിടങ്ങളിലേക്കും കാർ ഷോറൂമിലേക്കും തീ പടർന്നു

English Summary:
A huge explosion in a factory in Thane; many workers are suspected to have been trapped inside