വിവാദമായ കേരള സ്റ്റോറി പ്രദർശിപ്പിക്കുന്നതിലൂടെ തെറ്റായ സന്ദേശം നൽകാൻ ചിലർ ശ്രമിക്കുന്നതിനിടെ മലപ്പുറത്ത് നിന്നും വീണ്ടും സ്നേഹ സാഹോദര്യത്തിന്റെ മറ്റൊരു കഥകൂടി. ചെറിയ പെരുന്നാൾ ദിനത്തിൽ മഞ്ചേരി സിഎസ്ഐ പള്ളി ഗ്രൗണ്ടിൽ നടന്ന ഈദ്ഗാഹാണ് സാഹോദര്യത്തിന്റെ കഥയായി മാറിയത്. നമസ്ക്‌കാരത്തിനുശേഷം ഫാദർ ജോയിക്ക് സ്നേഹോപാഹാരവും കൈമാറി.
സഹോദര മതസ്ഥർ തമ്മിൽ പരസ്‌പരം സ്നേഹം പങ്കിടുന്ന കാഴ്‌ച പകർത്താൻ വിവിധ മാധ്യങ്ങളും സ്ഥലത്തെത്തി. വെറുപ്പിന്റെ കടകൾ തുറക്കുന്ന കാലത്ത് ഇതൊരു അനിവാര്യതയാണെന്ന് ഫാദർ ജോയി മാധ്യമങ്ങളോട് പറഞ്ഞു. ഈദ്ഗാഹിനുവേണ്ടി ഒരുക്കങ്ങൾ നടത്തുന്നതിലുൾപ്പെടെ സിഎസ്ഐ പള്ളിയുടെ ഭാഗത്തുനിന്നും പൂർണ സഹകരണമാണുണ്ടായിരുന്നു. ഇത്, പതിവ് കാഴ്ചയാണ് മഞ്ചേരിക്കാർക്ക്. പക്ഷെ, വെറുപ്പിന്റെ വിഷ വിത്തുകളുമായി ചിലർ ബോധപൂർവം നാടിനെ മലിനമാക്കാൻ ശ്രമിക്കുന്ന വേളയില്‍ ഈ ചേർത്ത് പിടിക്കലുകൾ ചർച്ചചെയ്യേണ്ടത് അനിവാര്യതയാണെന്ന് നാട്ടുകാർ പറയുന്നു.
English Summary: Another story of brotherly love; Eidgah in the grounds of the Christian Church
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.