22,842 കോടിയുടെ ബാങ്ക് വായ്പാ തട്ടിപ്പ് കേസിൽ എബിജി ഷിപ്പ്‌യാർഡിനെതിരെ സിബിഐ കേസെടുത്തു. സ്ഥാപനത്തിന്റെ ഡയറക്ടർമാരായ റിഷി അഗർവാൾ, സന്താനം മുത്തുസ്വാമി, അശ്വിനി കുമാർ എന്നിവർക്കെതിരെയും കേസ് കേസ് രജിസ്റ്റർ ചെയ്തിട്ടുണ്ട്. 28 ബാങ്കുകളിൽ നിന്നാണ് എബിജി ഗ്രൂപ്പ് കോടികളുടെ വായ്പാ തട്ടിപ്പ് നടത്തിയത്.
കപ്പൽ നിർമ്മാണവും അറ്റകുറ്റപ്പണികളും ചെയ്തു നൽകുന്ന എബിജി ഗ്രൂപ്പിന്റെ പ്രധാനപ്പെട്ട കമ്പനിയാണ് എബിജി ഷിപ്പ്‌യാർഡ് ലിമിറ്റഡ്. ഗുജറാത്തിലെ ദഹേജിലും സൂറത്തിലുമാണ് ഷിപ്പിയാർഡുകൾ പ്രവർത്തിക്കുന്നത്.
സ്റ്റേറ്റ് ബാങ്ക് ഓഫ് ഇന്ത്യയുടെ പരാതി പ്രകാരം 2,925 കോടി രൂപയാണ് കമ്പനി ബാങ്കിന് നൽകാനുള്ളത്. ഐസിഐസിഐ‑7,089 കോടി, ഐഡിബിഐ‑3634 കോടി, ബാങ്ക് ഓഫ് ബറോഡ‑1,614 കോടി, പഞ്ചാബ് നാഷണൽ ബാങ്ക്- 1,244 കോടി, ഐഒബി- 1,228 കോടി എന്നിങ്ങനെയാണ് മറ്റ് ബാങ്കുകൾക്ക് നൽകാനുള്ള തുക.
കേസിൽ പ്രതികൾ ഒത്തുകളിച്ചതായും വായ്പാതുക വകമാറ്റി ചെലവഴിച്ചതായും 2019ലെ ഏണസ്റ്റ് ആന്റ് യങ്ങിന്റെ ഫോറൻസിക് ഓഡിറ്റിങ്ങില്‍ കണ്ടെത്തിയതായും സിബിഐ എഫ്ഐആറിൽ പറയുന്നു. എബിജി ഷിപ്പ്‌യാർഡ് ഇതുവരെ 165 കപ്പലുകൾ നിർമ്മിച്ചിട്ടുണ്ട്.
English Summary: Bank loan fraud: CBI files case against shipyard directors
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.