താടിയില്ലെങ്കിൽ ജോലിക്ക് പുറത്ത്: വ്യത്യസ്ത ഉത്തരവുമായി താലിബാൻ സർക്കാർ

താടി വളർത്താത്ത ഉദ്യോഗസ്ഥരെ ഓഫീസുകളിൽ പ്രവേശിപ്പിക്കേണ്ടതില്ലെന്ന് താലിബാൻ ഭരണകൂടം. പൊതു സദാചാര മന്ത്രാലയമാണ് ഇക്കാര്യം അറിയിച്ചത്. തിങ്കളാഴ്ച എല്ലാ സർക്കാർ ഓഫീസുകളുടെയും പ്രവേശന കവാടങ്ങളിൽ പട്രോളിങ് നടത്തി ജീവനക്കാർ താടി വളർത്തിയിട്ടുണ്ടെന്നും ഡ്രസ് കോഡ് പാലിക്കുന്നുണ്ടോയെന്നും ഉറപ്പുവരുത്തിയതായും റിപ്പോർട്ടുകള്‍ പുറത്ത്.

സർക്കാർ ജീവനക്കാർ താടി വടിക്കരുതെന്നും നീളമുള്ളതും അയഞ്ഞതുമായ കുപ്പായവും തൊപ്പിയും തലപ്പാവും അടങ്ങുന്ന പ്രാദേശിക വസ്ത്രങ്ങൾ ധരിക്കണമെന്നും താലിബാൻ ഭരണകൂടം നിർദേശം നൽകി. ഡ്രസ് കോഡ് പാലിക്കാതെ ഇനി മുതൽ ഓഫീസുകളിൽ പ്രവേശിക്കാൻ കഴിയില്ലെന്നും പാലിച്ചില്ലെങ്കിൽ ജോലിയിൽ നിന്ന് പിരിച്ചുവിടുമെന്നും ഉദ്യോഗസ്ഥർക്ക് മുന്നറിയിപ്പ് നൽകിയതായും റിപ്പോർട്ടിൽ പറയുന്നു.

നേരത്തെ ആഭ്യന്തര, രാജ്യാന്തര വിമാനങ്ങളിൽ സഹായിയായി ഒപ്പം പുരുഷന്മാർ ഇല്ലാതെ സ്ത്രീകൾക്ക് സഞ്ചരിക്കാൻ കഴിയില്ലെന്നും താലിബാൻ സര്‍ക്കാര്‍ പറഞ്ഞിരുന്നു.

eng­lish summary;Beardless per­sons out from work: Tal­iban gov­ern­ment with dif­fer­ent orders

you may also like this video;