മുംബൈ ഘട്കോപ്പറില്‍ കൂറ്റന്‍ പരസ്യബോര്‍ഡ് പെട്രോള്‍ പമ്പിന് മുകളിലേക്ക് തകര്‍ന്നുവീണുണ്ടായ അപകടത്തില്‍ മരണസംഖ്യ 14 ആയി. 60ഓളം പേര്‍ക്കാണ് അപകടത്തില്‍ പരിക്കേറ്റത് അവശിഷ്ടങ്ങൾക്കിടയിൽ നൂറോളം പേർ കുടുങ്ങി.
ദേശീയ ദുരന്ത നിവാരണ സേന സ്ഥലത്തെത്തി രക്ഷാപ്രവർത്തനം നടത്തുകയാണ്. ബോർഡിന് 100 അടി ഉയരമുണ്ട്. ഇന്ധനം നിറയ്ക്കുന്നതിനും മറ്റുമായി എത്തിയ വാഹനങ്ങൾക്കു മുകളിലേക്കാണ് പരസ്യബോർഡ് വീണത്.
അപകടത്തിൽ മഹാരാഷ്ട്ര സർക്കാർ ഉന്നത തല അന്വേഷണം പ്രഖ്യാപിച്ചു.അപ്രതീക്ഷിതമായുണ്ടായ കനത്ത മഴയിലും പൊടിക്കാറ്റിലും നഗരത്തിന്റെ വിവിധ മേഖലകളിൽ ബോർഡുകളും മേൽക്കൂരകളും തകർന്നുവീണു. പൊടിക്കാറ്റിൽ വലഞ്ഞ യാത്രക്കാർ വാഹനങ്ങൾ നിർത്തിയതോടെ ഗതാഗതം പലയിടത്തും സ്‌തംഭിച്ചു. ലോക്കൽ ട്രെയിനുകളും എയർപോർട്ട് സേവനങ്ങളും താൽക്കാലികമായി റദ്ദാക്കി. ബാന്ദ്ര, കുർള, ധാരാവി പ്രദേശങ്ങളിൽ ശക്തമായ കാറ്റും മഴയുമുണ്ടായി.
English Summary:
Billboard collapse accident in Mumbai: death toll rises to 14
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.