കോംപറ്റീഷന്‍ കമ്മിഷന് ഓഫ് ഇന്ത്യ ചുമത്തിയ 1,337 കോടി രൂപ പിഴയ്ക്കെതിരെ ടെക് ഭീമനായ ഗൂഗിള്‍ സുപ്രീം കോടതിയില്‍. നേരത്തെ പിഴയ്ക്കെതിരെ നാഷണല്‍ കമ്പനി ലോ അപ്പലേറ്റ് ട്രൈബ്യൂണലിനെ സമീപിച്ചെങ്കിലും ഉത്തരവ് കമ്പനിക്ക് അനുകൂലമായിരുന്നില്ല. കൂടാതെ പിഴത്തുകയുടെ 10 ശതമാനം അടിയന്തരമായി കെട്ടിവയ്ക്കണമെന്നും ഉത്തരവിട്ടിരുന്നു. ഇതിനെതിരെയാണ് ഗൂഗിള്‍ സുപ്രീം കോടതിയെ സമീപിച്ചത്.
2022 ഒക്ടോബറില്‍, ആന്‍ഡ്രോയിഡ് മൊബൈല്‍ ഒന്നിലധികം വിപണികളില്‍ ദുരുപയോഗം ചെയ്തതിനും കോംപറ്റീഷന്‍ നിയമത്തിന്റെ സെക്ഷന്‍ 4 ലംഘിച്ചതിനുമാണ് ഗൂഗിളിന് കോംപറ്റീഷന്‍ കമ്മിഷന് ഓഫ് ഇന്ത്യ പിഴ ചുമത്തിയത്. ആന്‍ഡ്രോയിഡ് ഓപ്പറേറ്റിങ് സിസ്റ്റത്തിനൊപ്പം തങ്ങളുടെ ആപ്പുകള്‍ പ്രീ-ഇന്‍സ്റ്റാള്‍ ചെയ്തതിലൂടെ എതിരാളികളെ അപേക്ഷിച്ച് ഗൂഗിള്‍ വിപണി മേധാവിത്വം സ്വന്തമാക്കിയെന്നതാണ് ആരോപണം.
ആന്‍ഡ്രോയ്ഡ് ഫോണുകളില്‍ നിര്‍മ്മാണ വേളയില്‍ തന്നെ സേര്‍ച്ച് എന്‍ജിന്‍ ഡീഫോള്‍ട്ടാക്കാന്‍ ഗൂഗിള്‍ പ്രേരിപ്പിക്കുന്നുവെന്നും കോംപറ്റീഷന്‍ കമ്മിഷന് പരാതി ലഭിച്ചിരുന്നു.
English Summary: CCI penalty: Google in Supreme Court
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.