ദേശീയപാത വികസനത്തിന്റെ ഭാഗമായി മിനി സിവിൽ സ്റ്റേഷൻ പൊളിക്കുന്നതിനാൽ നിരവധി ഓഫീസുകൾ മാറ്റി സ്ഥാപിക്കേണ്ട സാഹചര്യത്തിൽ പൊതു ജനങ്ങൾക്കും ജീവനക്കാർക്കും സൗകര്യപ്രദമായ രീതിയിൽ സിവിൽ സ്റ്റേഷൻ അനക്സ് നിർമ്മിക്കണമെന്നു ജോയിന്റ് കൗൺസിൽ കരുനാഗപ്പള്ളി മേഖലാസമ്മേളനം ആവശ്യപ്പെട്ടു. ജോയിൻ കൗൺസിൽ സംസ്ഥാന ട്രഷറർ കെ പി ഗോപകുമാർ സമ്മേളനം ഉദ്ഘാടനം ചെയ്തു. സർക്കാറിന്റെ വികസന, ജനക്ഷേമ പദ്ധതികൾക്ക് പൂർണ പിന്തുണ നൽകുകയും അവ പ്രാവർത്തികമാക്കാനായി ജോലി ചെയ്യുകയും ചെയ്യുന്ന സർക്കാർ ജീവനക്കാർക്ക് ക്ഷാമബത്ത, ലീവ് സറണ്ടർ തുടങ്ങിയ അവകാശങ്ങളിൽ കാലതാമസം കൂടാതെ തീരുമാനങ്ങളെടുക്കാൻ സർക്കാർ തയ്യാറാകണമെന്നും മെഡിസെപ്പ് അടക്കമുള്ള പദ്ധതികൾ ഉടൻ നടപ്പിലാക്കണമെന്നും അദ്ദേഹം ആവശ്യപ്പെട്ടു.
മേഖലാ വൈസ് പ്രസിഡന്റ് ബി വിമൽ ശർമ അധ്യക്ഷതവഹിച്ചു. സെക്രട്ടറി സി സുനിൽ പ്രവർത്തന റിപ്പോർട്ട് അവതരിപ്പിച്ചു. ജില്ലാ സെക്രട്ടറി കെ വിനോദ് സംഘടനാ റിപ്പോർട്ട് അവതരിപ്പിച്ചു. സംസ്ഥാന കൗൺസിൽ അംഗം എ ആർ അനീഷ്, ജില്ലാ കമ്മിറ്റി അംഗം ആർ സുഭാഷ്, എസ് അനിൽകുമാർ, എം ഷിജു, ബി വിജേഷ്, ഐ നിത്യ, ബീനാകുമാരി എന്നിവർ സംസാരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.