ഭര്‍തൃപീഢനത്തിനെ തുടര്‍ന്ന് ചികിത്സയിലിരുന്ന ആദിവാസി യുവതി മരിച്ചു. ഭര്‍ത്താവിന്റെ മര്‍ദ്ദനത്തെ തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന സുമതിയാണ് മരിച്ചത്.
രണ്ട് കുട്ടികളുടെ മാതാണ് പുളിയന്‍മല ശിവലിംഗ പളിയക്കുടി സ്വദേശിനി സുമതി. ലഹരിവസ്തുക്കള്‍ ഉപയോഗിച്ച് എത്തുന്ന ഭര്‍ത്താവ് ശരവണന്‍ സ്ഥിരമായി ശാരീരിക ഉപദ്രവം ഏല്‍പ്പിക്കുന്നതായുള്ള വിവരം സുമതി വീട്ടുകാരെ അറിയിച്ചിരുന്നു. ഉപദ്രവം ദുസഹമായതോടെ ഒരു മാസം മുമ്പ് സുമതിയെ വീട്ടുകാര്‍ പുളിയന്മലയിലെ സ്വവസതിയിലേയ്ക്ക് വീട്ടുകാര്‍ കൂട്ടികൊണ്ട് പോന്നിരുന്നു. ഇതിനിടെ കലശലായ വയറുവേദന അനുഭവപ്പെട്ടതിനെ തുടര്‍ന്നാണ് സുമതിയെ വീട്ടുകാര്‍ വിവിധ ആശുപത്രികളില്‍ ചികിത്സ തേടിയത്. രോഗം മൂര്‍ച്ഛിച്ചതിനെ തുടര്‍ന്ന് കോട്ടയം മെഡിക്കല്‍ കോളേജില്‍ നടത്തിയ പരിശോധനയിലാണ് സുമതിക്ക് ക്രൂരമായി മര്‍ദ്ദനമാണ് വയറ് വേദനയ്ക്ക് കാരണമെന്ന് കണ്ടെത്തിയിരുന്നു. ഇതിനെ തുടര്‍ന്ന് കുമളി പൊലീസ് മൊഴിയെടുത്ത് ശരവണന്റെ പേരില്‍ കേസ് രജിസ്റ്റര്‍ ചെയ്യുകകയായിരുന്നു. കഴിഞ്ഞ നാലുദിവസമായി ഇയാള്‍ റിമാന്റിലാണ്. ഇതിനിടെയാണ് തിങ്കളാഴ്ച സുമതി മെഡിക്കല്‍ കോളേജ് ആശുപത്രിയില്‍ മരണത്തിന് കീഴടങ്ങിയത്. സുമതിയുടെ മൃതദേഹം പോസ്റ്റ്‌മോര്‍ട്ടത്തിനു ശേഷം പുളിയന്മലയില്‍ ഉള്ള വസതിയില്‍ എത്തിക്കുകയുംസംസ്‌കാരം നടത്തുകയും ചെയ്തു.
English Summary: domestic violence: Adivasi woman died under treatment
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.