21 April 2024, Sunday

Related news

April 17, 2024
April 17, 2024
April 10, 2024
April 8, 2024
April 7, 2024
April 7, 2024
April 4, 2024
April 3, 2024
April 2, 2024
March 30, 2024

ഭൂമികുംഭകോണക്കേസില്‍ ലാലുപ്രസാദ് യാദവിനും, മകന്‍ തേജസ്വിയാദവിനും ഇഡിയുടെ സമന്‍സ്

Janayugom Webdesk
ന്യൂഡല്‍ഹി
January 20, 2024 4:10 pm

റെയിൽവേയുടെ ഭൂമി തട്ടിപ്പ് കേസുമായി ബന്ധപ്പെട്ട് ആർജെഡി നേതാവും മുന്‍ മുഖ്യമന്ത്രുയുമായ ലാലുപ്രസാദ് യാദവിന് പിന്നാലെ ബീഹാർ ഉപമുഖ്യമന്ത്രികൂടീയായ അദ്ദേഹത്തിന്റെ മകന്‍ തേജസ്വി യാദവിനും എൻഫോഴ്സ്മെന്റ് ഡയറക്ടറേറ്റ് പാറ്റ്നയിലെ ഓഫീസിൽ ചോദ്യം ചെയ്യലിന് ഹാജരാകാൻ പുതിയ സമൻസ് അയച്ചതായി റിപ്പോര്‍ട്ട്

പറ്റ്ന നഗരത്തിലെ ബാങ്ക് റോഡിലുള്ള എൻഫോഴ്‌സ്‌മെന്റ് ഡയറക്ടറേറ്റ് ഓഫീസിലാണ് ലാലുവും, മകനും മൊഴിയെടുക്കാൻ എത്തേണ്ടത് കഴിഞ്ഞ വർഷം ഡൽഹിയിൽ തേജസ്വി ഈ കേസിൽ ഒരു തവണ ഏജൻസിക്ക് മുന്നിൽ ഹാജരായിട്ടുണ്ട്. രാഷ്ട്രീയവും ഔദ്യോഗികവുമായ പ്രവർത്തനങ്ങളിലാണ് തങ്ങൾ ഏർപ്പെട്ടിരിക്കുന്നതെന്നും അതിനാൽ ഡൽഹിയിൽ എത്താന്‍ കഴിയില്ലെന്നും ഇരുവരും ഇഡിയോട് പറഞ്ഞതായാണ് സൂചന. ഒന്നാം യുപിഎ സർക്കാരിൽ ലാലുപ്രസാദ് റെയിൽവേ മന്ത്രിയായിരുന്ന കാലത്തെ അഴിമതിയാണ് ആരോപണം.

ഈമാസം 9ന് ‚റെയിൽവേയുടെ ഭൂമി-ജോലിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ഇഡി കുറ്റപത്രം സമർപ്പിച്ചു, റാബ്‌റി ദേവി ഉൾപ്പെടെയുള്ള ലാലു പ്രസാദിന്റെ കുടുംബത്തിന്റെയും അവരുടെ മകളായ ആർജെഡി എംപി മിസാ ഭാരതി, ഹേമ യാദവ് എന്നിവരെയും ഉൾപ്പെടുത്തി. ആർജെഡി രാജ്യസഭാ എംപി മനോജ് ഝാ, കുറ്റപത്രം സമർപ്പിക്കുന്ന ദിവസം, പ്രതിപക്ഷ പാർട്ടികൾക്കെതിരെ ബിജെപി അന്വേഷണ ഏജൻസികളെ ഉപയോഗിക്കുന്നുവെന്ന് ആരോപിച്ച് ഇഡി നടപടിയെ പകപോക്കൽ രാഷ്ട്രീയം” എന്ന് വിളിച്ചിരുന്നു. ബിജെപി ദുർബലമായ സംസ്ഥാനങ്ങളിൽ അതിനെ ശക്തിപ്പെടുത്താനുള്ള ശ്രമത്തിലാണ് ഏജൻസികൾ. ഇത് പീഡനത്തിന്റെയും പീരാഷ്ട്രീയമാണ്, ഝാ അഭിപ്രായപ്പെട്ടു. 

രാഷ്ട്രീയമായി പോരാടാൻ കഴിയാത്ത പാർട്ടികൾക്കെതിരെ ബിജെപി ഏജൻസികളെ ഉപയോഗിക്കുകയാണെന്നും ആർജെഡി നേതാവ് ആരോപിച്ചു. പകപോക്കൽ രാഷ്ട്രീയത്തിന്റെ ഏറ്റവും വലിയ ഉദാഹരണമാണിതെന്ന് ഇഡി കുറ്റപത്രത്തിൽ ഝാ പറഞ്ഞിരുന്നു. കള്ളപ്പണം വെളുപ്പിക്കൽ നിരോധന നിയമത്തിന്റെ (പിഎംഎൽഎ) ക്രിമിനൽ വകുപ്പുകൾ പ്രകാരം ഫയൽ ചെയ്ത കള്ളപ്പണം വെളുപ്പിക്കൽ കേസ്, സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) നൽകിയ പരാതിയെ തുടർന്നാണ്. കേസിൽ സിബിഐ നേരത്തെ കുറ്റപത്രം സമർപ്പിച്ചിരുന്നു. സിബിഐ കേസിൽ ലാലു പ്രസാദ്, റാബ്രി ദേവി, തേജസ്വി യാദവ് എന്നിവർക്ക് ഒക്ടോബറിൽ വിചാരണ കോടതി ജാമ്യം അനുവദിച്ചിരുന്നു.

നിയമനത്തിന് പരസ്യമോ പൊതു അറിയിപ്പോ നൽകിയിട്ടില്ലെന്നും എന്നാൽ മുംബൈ, ജബൽപൂർ, കൊൽക്കത്ത, ജയ്പൂർ, ഹാസിപൂർ എന്നിവിടങ്ങളിലെ വിവിധ സോണൽ റെയിൽവേകളിൽ പകരക്കാരായി പട്നയിലെ ചിലരെ നിയമിച്ചിട്ടുണ്ടെന്നും സിബിഐ പറയുന്നു. ക്വിഡ് പ്രോ ക്വോ എന്ന നിലയിൽ, സ്ഥാനാർത്ഥികൾ നേരിട്ടോ അവരുടെ അടുത്ത കുടുംബാംഗങ്ങൾ മുഖേനയോ, പ്രസാദിന്റെ കുടുംബാംഗങ്ങൾക്ക് ഉയർന്ന കിഴിവ് നിരക്കിൽ, നിലവിലുള്ള മാർക്കറ്റ് വിലയുടെ നാലിലൊന്ന് മുതൽ അഞ്ചിലൊന്ന് വരെ ഭൂമി വിറ്റതായി സിബിഐ ആരോപിച്ചു. ഈ അന്വേഷണത്തിന്റെ ഭാഗമായി റാബ്‌റി ദേവി, മിസ ഭാരതി, അനുബന്ധ കമ്പനികൾ എന്നിവരുടെ ആറ് കോടിയിലധികം രൂപയുടെ സ്വത്തുക്കൾ കഴിഞ്ഞ വർഷം ഇഡി കണ്ടുകെട്ടിയിരുന്നു. ചന്ദാ യാദവ്, രാഗിണി യാദവ്, ഹേമ യാദവ്, അബു ഡോജന എന്നിവരുടെ പട്‌ന, ഫുൽവാരി ഷെരീഫ്, ഡൽഹി-എൻസിആർ, റാഞ്ചി, മുംബൈ എന്നിവിടങ്ങളിൽ 2023 മാർച്ചിൽ ഏജൻസി റെയ്ഡ് നടത്തിയിരുന്നു.

Eng­lish Summary:
ED sum­mons to Laluprasad Yadav, son Tejasvi­a­dav in land scam case

You may also like this video:

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.