കഴിഞ്ഞ ദിവസങ്ങളിലായി പെയ്യുന്ന മഴയിൽ ചടയമംഗലം മണ്ഡലത്തിലെ വിവിധ പ്രദേശങ്ങളിൽ വ്യാപക നാശനഷ്ടം. ചടയമംഗലം ഗ്രാമപഞ്ചായത്തിലെ പൂങ്കോട് വാർഡിൽ നടക്കുന്ന് പനച്ചമൂട്ടിൽ വസന്തയുടെ വീടിന്റെ ഒരു ഭാഗം പൂർണമായും ഇടിഞ്ഞുവീണു. പൂങ്കോട് പണയിൽ ശോഭയുടെ വീടിന്റെ അടുക്കള പൂർണമായും വീടിന്റെ മുൻവശം ഭാഗികമായും തകർന്നു ഓടുകൾ ഏതുനിമിഷവും നിലംപതിക്കാവുന്ന അവസ്ഥയിലാണ്. ഇടയ്ക്കോട് വാർഡിൽ സുനിത ഭവനിൽ സുധയുടെ വീടിന്റെ ഒരു ഭാഗവും കനത്ത മഴയിൽ തകർന്നു.
കല്ലുമല കോളനിയിൽ കല്ലുമല ചരുവിള പുത്തൻവീട്ടിൽ സുകുമാരന്റെ മകൾ ലക്ഷ്മിക്ക് (29)മിന്നലേറ്റു. ഇവർ ഇപ്പോൾ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇവരുടെ വീടിന്റെ ജനലുകൾ തകരുകയും വയറിങ് അടക്കം പൂർണമായും കത്തിനശിക്കുകയും ചെയ്തു. ഇളമാട് ആക്കൽ ബിനുവിനെ വീട്ടിലേക്ക് റബ്ബർ മരങ്ങൾ ഒടിഞ്ഞുവീണ് ഓടുകൾ പൂർണ്ണമായും തകർന്നു. വ്യാപകമായ കൃഷിനാശവും റിപ്പോർട്ട് ചെയ്തിട്ടുണ്ട്. മരച്ചീനി, വാഴ വിളകളാണ് കാറ്റത്ത് നശിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.