പാകിസ്ഥാനിലെ ബലൂചിസ്ഥാന്‍ പ്രവിശ്യയിലുണ്ടായ പ്രളയത്തില്‍ 25 മരണം. നിരവധി പേരെ കാണാതായതായും മരണസംഖ്യ ഇനിയും വര്‍ധിച്ചേക്കുമെന്നും ജില്ലാ ഭരണകൂടം അറിയിച്ചു. പ്രളയം ഏറ്റവും കൂടുതല്‍ നാശം വിതച്ച ക്വറ്റ ജില്ലയില്‍ സര്‍ക്കാര്‍ അടിയന്തരാവസ്ഥ പ്രഖ്യാപിച്ചു. ബലൂചിസ്ഥാന്റെ വിവിധ ഭാഗങ്ങളില്‍ ശക്തമായ മഴയാണ് ലഭിച്ചത്.
നസിറാബാദ്, ജാഫറാബാദ്, സിബി, സിയാറത്ത്, ഹർനൈ, ബർഖാൻ, ലോറലായ്, ലാസ്ബെല, കോഹ്‌ലു, ദേരാ ബുഗ്തി, അവറാൻ, നോഷ്‌കി, ചഗായ് ജില്ലകളിലെ ചില ഭാഗങ്ങളിൽ കനത്ത മഴ നാശം വിതച്ചു. ക്വറ്റയില്‍ 300 ലധികം വീടുകളാണ് പ്രളയത്തില്‍ തകര്‍ന്നത്.
മരിച്ചവരില്‍ ഒരേ കുടുംബത്തിലെ ആറ് സ്ത്രീകളും നാല് കുട്ടികളും ഉള്‍പ്പെട്ടിട്ടുണ്ടെന്ന് ജില്ലാ ഭരണകൂടം അറിയിച്ചു. എല്ലാ വര്‍ഷവും മണ്‍സൂണ്‍ മഴ മൂലമുണ്ടാകുന്ന പ്രളയം പാകിസ്ഥാനില്‍ ഗുരുതര നാശനഷ്ടങ്ങള്‍ക്കാണ് ഇടയാക്കുന്നത്.
English summary;Flood: 25 dead in Pakistan
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.