ഖത്തറില് സ്കൂള് ബസിനുള്ളിലകപ്പെട്ട നാല് വയസുകാരി മരിച്ചു. കോട്ടയം ചിങ്ങവനം കൊച്ചുപറമ്പില് അഭിലാഷ് ചാക്കോയുടെ മകള് മിന്സ മറിയം ജേക്കബ് ആണ് മരിച്ചത്. ഞായറാഴ്ചയായിരുന്നു സംഭവം. സ്കൂളിലേക്ക് പുറപ്പെട്ട കുട്ടി ബസിനുള്ളില് വെച്ച് ഉറങ്ങിപ്പോയത് അറിയാതെ ഡ്രൈവര് ഡോര് ലോക്ക് ചെയ്ത് പോകുകയായിരുന്നു. കുട്ടിയുടെ നാലാം പിറന്നാള് ദിനത്തിലായിരുന്നു അന്ത്യം.
രാവിലെ സ്കൂളിലേക്ക് പോയ കുട്ടി ബസിനുള്ളില് വെച്ച് ഉറങ്ങിപ്പോയി. സ്കൂളിലെത്തി മറ്റ് കുട്ടികള് ബസില് നിന്ന് പുറത്തിറങ്ങിയപ്പോള് ഉറക്കത്തിലായിരുന്ന മിന്സ മാത്രം പുറത്തിറങ്ങിയില്ല. കുട്ടി ഉറങ്ങുന്നത് ശ്രദ്ധിക്കാതെയും ബസ് പരിശോധിക്കാതെയും ഡ്രൈവര് വാഹനം ഡോര് ലോക്ക് ചെയ്ത് പോയി. തുറസായ സ്ഥലത്താണ് ബസ് പാര്ക്ക് ചെയ്തിരുന്നത്.
മണിക്കൂറുകള്ക്ക് ശേഷം 11.30ഓടെ ബസ് ജീവനക്കാര് ഡ്യൂട്ടിക്കായി തിരികെ എത്തിയപ്പോഴാണ് ബസിനുള്ളില് അബോധാവസ്ഥയില് കുട്ടിയെ കണ്ടത്. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നടപടികള് പൂര്ത്തിയാക്കിയ ശേഷം മൃതദേഹം നാട്ടിലെത്തിക്കുമെന്ന് ബന്ധുക്കള് അറിയിച്ചു.
English Summary: four year old malayali girl died
You may alsolike this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.