നിയമസഭ ഏകകണ്ഠമായി പാസാക്കിയ ഭൂപതിവ് ഭേദഗതി നിയമത്തിൽ ഗവർണർ ഒപ്പ് വെയ്ക്കണമെന്നാവശ്യപ്പെട്ട് എൽഡിഎഫ് ഇടുക്കി ജില്ലാ കമ്മിറ്റി നേതൃത്വത്തിൽ 10,000 പേർ പങ്കെടുക്കുന്ന രാജ്ഭവൻ മാർച്ച് ഇന്ന്. ഉച്ചകഴിഞ്ഞ് രണ്ടുമണിക്ക് പാളയത്ത് കേന്ദ്രീകരിച്ച് രാജ്ഭവനിലേയ്ക്ക് മാർച്ച് ചെയ്യും. മാർച്ചിനോട് അനുബന്ധമായി ചേരുന്ന പൊതു സമ്മേളനം സിപിഐ(എം) സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യും.
സിപിഐ സംസ്ഥാന സെക്രട്ടറി ബിനോയ് വിശ്വം മുഖ്യപ്രഭാഷണം നടത്തും. എൽഡിഎഫ് കൺവീനർ ഇ പി ജയരാജൻ, ഇടുക്കി ജില്ലാ കൺവീനർ കെ കെ ശിവരാമൻ, സിപിഐ ജില്ലാ സെക്രട്ടറി കെ സലിംകുമാർ, സിപിഐ (എം) ജില്ലാ സെക്രട്ടറി സി വി വർഗ്ഗീസ്, വാഴൂർ സോമൻ എംഎൽഎ, വിവിധ ഘടകകക്ഷി നേതാക്കള്‍ തുടങ്ങിയവര്‍ പങ്കെടുക്കും.
മാര്‍ച്ചിന്റെ പ്രചരണത്തിന്റെ ഭാഗമായി ഇടുക്കിയിലെ 52 പഞ്ചായത്ത്, രണ്ട് മുൻസിപ്പൽ കേന്ദ്രങ്ങളില്‍ ആയിരക്കണക്കിന് ജനങ്ങള്‍ പങ്കെടുത്ത പ്രകടനങ്ങളും സമ്മേളനങ്ങളും നടന്നിരുന്നു.
രാജ്ഭവൻ മാർച്ചിനിടെ ഗവർണർ തൊടുപുഴയിലെ വ്യാപാരി സംഘടനകളുടെ നേതൃത്വത്തിലുള്ള പരിപാടിയിൽ പങ്കെടുക്കുവാൻ എത്തുന്നതിൽ പ്രതിഷേധിച്ച് ജില്ലയിൽ ഇന്ന് രാവിലെ ആറ് മുതൽ വൈകിട്ട് ആറ് വരെ എൽഡിഎഫ് ഹർത്താൽ ആചരിക്കും.
English Summary: Harthal today in Idukki
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.