കനത്ത മൂടൽമഞ്ഞ്; പെൻസിൽവാനിയയിൽ വാഹനങ്ങൾ കൂട്ടിയിടിച്ച് അഞ്ച് മരണം

പെൻസിൽവാനിയ പോട്സ് വില്ലി മൈനേഴ്സ് വില്ല എക്സിറ്റിൽ ഉണ്ടായ കനത്ത മൂടല്‍മഞ്ഞില്‍ വാഹനങ്ങൾ കൂട്ടിയിടിച്ചുണ്ടായ അപകടത്തില്‍ അഞ്ച് പേർ മരിച്ചു. 23 പേർക്ക് പരുക്കേറ്റു. 40ൽ പരം വാഹനങ്ങള്‍ കൂട്ടിയിടിച്ചാണ് അപകടമുണ്ടായത്.

രാവിലെ പത്തരയോടെയാണ് സംഭവം ഉണ്ടായത്. ഹിമപാതത്തിൽപ്പെട്ട് വാഹനങ്ങൾ റോഡിൽ നിന്നും തെന്നിമാറിയും പരസ്പരം കൂട്ടിയിടിച്ചും അപകടത്തിന് തുടക്കം കുറിച്ചത്.

അപകടത്തെത്തുടർന്ന് ഇന്റർ സ്റ്റേറ്റ് സൗത്ത് പാതകൾ എല്ലാം അടച്ചത് വാഹനഗതാഗതം പൂർണമായും സ്തംഭിച്ചു. കനത്ത ഹിമപാതത്തിൽ നൂറുകണക്കിന് ആളുകൾക്കാണ് കാറിനകത്ത് മണിക്കൂറുകളോളം കഴിഞ്ഞു കൂടേണ്ടി വന്നത്.

മൂന്ന് ട്രാക്ടർ ടെയ്ലറുകളും മറ്റു രണ്ട് വാഹനങ്ങൾക്കും അപകടത്തില്‍ തീപിടിച്ചിരുന്നു. തീയും പുകയും മൂടൽ മഞ്ഞും രക്ഷാപ്രവർത്തനത്തിന് തടസ്സമായി. മരിച്ചവരുടെയും പരുക്കേറ്റവരുടെയും പൂര്‍ണ്ണ വിവരങ്ങൾ പൊലീസ് പുറത്തുവിട്ടിട്ടില്ല.

eng­lish summary;Heavy fog; Five killed in crash in Pennsylvania

you may also like this video;