ആഗ്രയില് ഹിജാബ് ധരിച്ചെത്തിയ വിദ്യാര്ഥികളെ ക്യാമ്പസില് പ്രവേശിപ്പിച്ചില്ല. അലിഗഢിലെ കോളജാണ് ഹിജാബ് ധരിച്ചെത്തിയ പെണ്കുട്ടികളെ വിലക്കിയത്. അധികൃതര് നിര്ദേശിച്ച യൂണിഫോം ഇല്ലാതെ ക്യാമ്പസിലേക്ക് വിദ്യാര്ത്ഥികളെ പ്രവേശിപ്പിക്കില്ലെന്നാണ് കോളജ് അധികൃതര് നോട്ടീസില് പറയുന്നത്.
ശ്രീവര്ഷിണി കോളജിലാണ് സംഭവം. ക്ലാസില് പങ്കെടുക്കുമ്പോള് മുഖം മറയ്ക്കരുതെന്നും കോളജ് അധികൃതര് നിര്ദേശിച്ചു. പ്രവേശനം നിഷേധിച്ചതിനെ തുടര്ന്ന് നിരവധി വിദ്യാര്ത്ഥികള് ക്ലാസില് ഇരിക്കാതെ വീടുകളിലേക്ക് മടങ്ങിയത്. ടൈംസ് ഓഫ് ഇന്ത്യയാണ് വാര്ത്ത റിപ്പോര്ട്ട് ചെയ്തത്. ഹിജാബും ബുര്ഖയും അഴിയ്ക്കാന് അധികൃതര് ആവശ്യപ്പെട്ടെന്നും കോളജിലേക്ക് പ്രവേശനം അനുവദിച്ചില്ലെന്നും ഹിജാബ് ധരിക്കാതെ ക്ലാസില് ഇരിക്കില്ലെന്നും പെണ്കുട്ടികള് വ്യക്തമാക്കി.
വിദ്യാര്ത്ഥികള് കോളജിന്റെ നിയമങ്ങളും ചട്ടങ്ങളും പാലിക്കണെമന്ന് മാത്രമേ പറയുന്നുള്ളൂവെന്ന് കോളേജ് മേധാവി അനില് വര്ഷിനിയും വ്യക്തമാക്കി. എന്നാല് നേരത്തെ കോളജില് ഹിജാബ് അനുവദിച്ചിരുന്നെന്നും പെട്ടെന്നാണ് ഹിജാബ് നിരോധിച്ച ഉത്തരവ് പുറപ്പെടുവിച്ചതെന്നും ആരോപണമുണ്ട്. സമാനമായ രീതിയില് കര്ണാടകയിലെ ഉഡുപ്പിയിലാണ് ഹിജാബ് വിവാദം ആദ്യം ഉയര്ന്നത്.
English Summary: hijab in UP were not admitted to college
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.