ഹൈദരാബാദ് കൂട്ടബലാത്സംഗം; ടിആർഎസ് നേതാവിന്റെ മകൻ അറസ്റ്റിൽ

കാറിനുള്ളിൽ 17‑കാരി കൂട്ടബലാത്സംഗത്തിന് ഇരയായ സംഭവത്തൽ ടിആർഎസ് നേതാവിന്റെ മകൻ അറസ്റ്റിൽ. സദുദ്ദീൻ മാലിക്ക്(18) ആണ് അറസ്റ്റിലായത്. അഞ്ചുപേരെ തിരിച്ചറിഞ്ഞതായി പൊലീസ് പറഞ്ഞു. പ്രതികളിൽ മൂന്നുപേർ പ്രായപൂർത്തിയാവാത്തവരാണ്.

പ്രതികളിൽ ടിആർഎസ് നേതാവിന്റെ മകൻ ഉൾപ്പെട്ടിട്ടുണ്ടെന്ന ആരോപണം വന്നതോടെ വലിയ പ്രതിഷേധമുയർന്നിരുന്നു. പ്രതികളെ കുറിച്ച് ഇരയായ പെൺകുട്ടിയിൽ നിന്ന് കാര്യമായ വിവരങ്ങൾ ശേഖരിക്കാൻ കഴിഞ്ഞിട്ടില്ലെന്നും ഒരാളുടെ പേര് മാത്രമാണ് വെളിപ്പെടുത്തിയതെന്നും പൊലീസ് പറഞ്ഞു.

കഴിഞ്ഞയാഴ്ചയായിരുന്നു കോളജ് ആഘോഷത്തിന് ശേഷം വീട്ടിലേക്ക് തിരിച്ച് പോകവേ പെൺകുട്ടി ഇന്നോവ കാറിൽ വച്ച് പീഡിപ്പിക്കപ്പെട്ടത്. ലിഫ്റ്റ് നൽകാമെന്ന് പറഞ്ഞ് കാറിൽ കയറ്റിയ പെൺകുട്ടിയെ ജൂബിലി ഹിൽസിലെ ആളൊഴിഞ്ഞ സ്ഥലത്തെത്തി ക്രൂരമായി പീഡിപ്പിക്കുകയായിരുന്നു. സിസിടിവി ദൃശ്യത്തിൽ നിന്ന് പ്രതികളെന്ന് കരുതുന്ന നാലുപേരുടെയടുത്ത് പെൺകുട്ടി നിൽക്കുന്നത് വ്യക്തമാവുന്നുണ്ട്.

Eng­lish summary;Hyderabad gang-rape; TRS lead­er’s son arrested

You may also like this video;