പാകിസ്ഥാന്‍ മുന്‍ പ്രധാനമന്ത്രി ഇമ്രാന്‍ ഖാനെതിരെ ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചു. ഖാത്തൂൺ ജഡ്ജി സേബ ചൗധരിയെ ഭീഷണിപ്പെടുത്തിയ കേസുമായി ബന്ധപ്പെട്ട് ജില്ലാ സെഷൻസ് കോടതിയാണ് വാറണ്ട് പുറപ്പെടുവിച്ചത്. കേസിന്റെ വിചാരണയ്ക്കായി ഇന്ന് കോടതിയില്‍ ഹാജരാകേണ്ടിതായിരുന്നു. സുരക്ഷാ പ്രശ്‌നങ്ങൾ ചൂണ്ടിക്കാട്ടി കോടതിയിൽ ഹാജരാകുന്നതിൽ നിന്ന് ഒഴിവാക്കണമെന്ന് ആവശ്യപ്പെട്ട് ഹർജി നൽകി. എന്നാല്‍ ഹര്‍ജി തള്ളിയ കോടതി അറസ്റ്റ് വാറണ്ട് പുറപ്പെടുവിക്കുകയായിരുന്നു. മാർച്ച് 29 ന് ഇമ്രാൻ ഖാനെ ഹാജരാക്കാനാണ് കോടതി ഉത്തരവ്.
കഴിഞ്ഞ വര്‍ഷം ഓഗസ്റ്റില്‍ ഒരു രാഷ്ട്രീയ റാലിക്കിടെയാണ് സേബ ചൗധരിയെ ഭീഷണിപ്പെടുത്തി ഇമ്രാന്‍ ഖാന് പരാമര്‍ശം നടത്തിയത്. എഫ്ഐആര്‍ രജിസ്റ്റര്‍ ചെയ്തതിനു പിന്നാലെ ഇസ്ലാമാബാദ് ഹൈക്കോടതിയിൽ നൽകിയ സത്യവാങ്മൂലത്തിൽ ജഡ്ജിയോട് മാപ്പ് പറയാമെന്ന് ഇമ്രാന്‍ ഖാന് സന്നദ്ധത പ്രകടിപ്പിച്ചിരുന്നു.
English Summary;Imran Khan’s non-bailable arrest warrant
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.