ഇസ്രയേൽ പ്രധാനമന്ത്രിയുടെ ഇന്ത്യാ സന്ദർശനം മാറ്റിവച്ചു

ഇസ്രയേൽ പ്രധാനമന്ത്രി നാഫ്തലി ബെന്നറ്റിന് കോവിഡ് സ്ഥിരീകരിച്ച പശ്ചാതലത്തില്‍ അദ്ദേഹത്തിന്റെ ഇന്ത്യ സന്ദർശനം മാറ്റിവച്ചു. ഏപ്രിൽ മൂന്ന് മുതൽ അഞ്ച് വരെയായിരുന്നു നേരത്തെ സന്ദർശനം നിശ്ചയിച്ചിരുന്നത്.

ഇന്ത്യ- ഇസ്രയേൽ നയതന്ത്ര ബന്ധത്തിന്റെ മുപ്പതാം വാർഷികത്തിൽ പ്രധാനമന്ത്രിയുടെ പ്രത്യേക ക്ഷണം സ്വീകരിച്ചാണ് നഫ്താലി ബെന്നറ്റ് ഇന്ത്യ സന്ദർശിക്കാൻ തീരുമാനിച്ചത്. കൂടുതൽ മേഖലകളിൽ ഉഭയകക്ഷി സഹകരണത്തിനും സന്ദർശനം ലക്ഷ്യമിട്ടിരുന്നു. പുതുക്കിയ തീയതി പിന്നീടറിയിക്കുമെന്ന് ഇന്ത്യയിലെ ഇസ്രയേൽ എംബസി വ്യക്തമാക്കി.

eng­lish summary;Israeli PM post­pones vis­it to India

you may also like this video;