കോപ്പ അമേരിക്ക വനിതാ ഫുട്ബോൾ ചാമ്പ്യൻഷിപ്പിന് ജൂലൈ 9 ന് തുടക്കം. ബൊളീവിയ ഇക്വഡോറിനെ ഉദ്ഘാടന മത്സരത്തിൽ നേരിടും. ജൂലൈ 10 നാണ് ടൂർണമെൻറിലെ ബ്രസീൽ – അർജന്റീന പോരാട്ടം. കോപ്പ അമേരിക്ക വനിതാ ഫുട്ബോൾ ചാമ്പ്യൻഷിപ്പിന്റെ ഒൻപതാമത്തെ എഡിഷന് കൊളംബിയയില്‍ വച്ചാണ് നടക്കുന്നത്. കഴിഞ്ഞ എട്ട് എഡിഷനുകളിൽ ഏഴ് തവണയും കിരീടം ബ്രസീലാണ് സ്വന്തമാക്കിയത്. 2018 ൽ ചിലിയെ തോൽപിച്ചായിരുന്നു മഞ്ഞപ്പടയുടെ കിരീട നേട്ടം.
അർജന്റീന ഒരേ തവണയാണ് കിരീടം സ്വന്തമാക്കിയത്. 2006ൽ സ്വന്തം രാജ്യത്ത് നടന്ന ടൂർണമെൻറിലായിരുന്നു ആൽബി സെലസ്‌റ്റകളുടെ ചരിത്ര കിരീട നേട്ടം. ഇതുവരെ അർജൻറീന – ബ്രസീൽ ടീമുകൾ നാലു തവണ ഫൈനലിൽ വന്നിരുന്നു. മൂന്ന് എണ്ണത്തിൽ ബ്രസീലും ഒരു തവണ അർജന്റീനയും ജയിച്ചു.ഈ മാസം 26 നും 27 നും കോപ്പയിലെ സെമി ഫൈനലുകൾ നടക്കും. ഈ മാസം 31 നാണ് കോപ്പയിലെ രാജ്ഞിമാരെ കണ്ടെത്തുന്നതിനുള്ള കിരീടപ്പോരാട്ടം.
English Summary:July 9 for the Copa America Women’s Football Championship
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.