21 April 2025, Monday
KSFE Galaxy Chits Banner 2

Related news

April 21, 2025
April 15, 2025
March 12, 2025
February 19, 2025
February 5, 2025
January 25, 2025
January 11, 2025
December 9, 2024
October 26, 2024
October 19, 2024

കർണാടക ഹിജാബ് വിവാദം; പ്രതികരണവുമായി അൽ ഖ്വയ്ദ

Janayugom Webdesk
ന്യൂഡൽഹി
April 6, 2022 10:57 am

കർണാടകയിലെ ഹിജാബ് നിരോധന വിഷയത്തിൽ സർക്കാരിനെതിരെ ശബ്ദമുർത്തിയ കോളജ് വിദ്യാർത്ഥിനിയായ മുസ്കാൻ ഖാനെ പ്രശംസിച്ച് കവിത ചൊല്ലി ഭീകരവാദ സംഘടനയായ അൽ ഖ്വയ്ദ നേതാവ് അയ്മാൻ അൽ സവാഹിരി.

കഴിഞ്ഞ ദിവസം സംഘടന പുറത്തുവിട്ട ഒമ്പത് മിനിറ്റുള്ള വീഡിയോയിലാണ് ഇയാൾ മുസ്കാൻ ഖാനെ പ്രശംസിച്ച് കവിത ചൊല്ലിയത്. കൂടാതെ ഹിജാബ് നിരോധനം സംബന്ധിച്ച് ഇയാൾ തന്റെ പ്രതിഷേധം രേഖപ്പെടുത്തുകയും ചെയ്തു. ഈ അടിച്ചമർത്തലിനെതിരെ ഇന്ത്യൻ മുസ്ലീങ്ങൾ പ്രതികരിക്കണമെന്നും സവാഹിരി ആഹ്വാനം ചെയ്തു.

ഇന്ത്യയിലെ കുലീനയായ സ്ത്രീ എന്ന തലക്കെട്ടോടു കൂടിയാണ് വീഡിയോ പുറത്തു വിട്ടത്. കവിതയിൽ മുസ്കാൻ ഖാനെ സഹോദരി എന്നാണ് ഇയാൾ അഭിസംബോധന ചെയ്തത്. സമൂഹ മാധ്യമങ്ങളിൽ നിന്നാണ് താൻ ഈ വിദ്യാർത്ഥിനിയെക്കുറിച്ച് അറിഞ്ഞതെന്നും, അപ്പോഴാണ് ഈ സഹോദരിയുടെ പ്രവൃത്തിയെ പ്രകീർത്തിച്ചുകൊണ്ട് കവിത എഴുതണമെന്ന് ചിന്തിച്ചതെന്നും ഇയാൾ വീഡിയോയിൽ പറയുന്നുണ്ട്.

കവിത ചൊല്ലിയ ശേഷം ഇയാൾ ഹിജാബ് നിരോധിച്ച രാജ്യങ്ങളെയും പാശ്ചാത്യ രാജ്യങ്ങളുമായി സഖ്യം ചേർന്ന ബംഗ്ലാദേശിനെയും പാകിസ്ഥാനെയും കുറ്റപ്പെടുത്തി. കഴിഞ്ഞ നവംബറിന് ശേഷമുള്ള സവാഹിരിയുടെ ആദ്യ വീഡിയോ ആണിത്.

Eng­lish summary;Karnataka hijab con­tro­ver­sy; Al Qae­da responds

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.