കേരള സർവകലാശാല കലോത്സവത്തിന്റെ രണ്ടാംദിനം ആധിപത്യം പുലർത്തി തലസ്ഥാന ജില്ലയിലെ കോളജുകൾ. മത്സരങ്ങൾ പുരോഗമിക്കുമ്പോൾ 43 പോയിന്റുമായി തിരുവനന്തപുരം മാർ ഇവാനിയോസ് കോളജാണ് മുന്നിൽ. 30 പോയിന്റുമായി തിരുവനന്തപുരം ശ്രീ സ്വാതിതിരുനാൾ മ്യൂസിക് കോളജും 26 പോയിന്റുമായി തിരുവനന്തപുരം യൂണിവേഴ്സിറ്റി കോളജും പിന്നാലെയുണ്ട്. 11 പോയിന്റുമായി ആതിഥേയ ജില്ലയായ ആലപ്പുഴയിലെ ബിഷപ്പ് മൂർ കോളജാണ് അഞ്ചാം സ്ഥാനത്ത്. 10 പോയിന്റുകൾ നേടി തിരുവനന്തപുരം ആർട്സ് കോളജും ചേർത്തല സെന്റ് മൈക്കിൾസ് കോളജും പിന്നാലെയുണ്ട്.
തിരുവാതിര മത്സരത്തിൽ തിരുവനന്തപുരം ഗവൺമെന്റ് ആർട്സ് കോളജും തിരുവനന്തപുരം മാർ ഇനാവിനിയോസ് കോളജും ഒന്നാം സ്ഥാനം പങ്കിട്ടു. കേരളനടനം പുരുഷ വിഭാഗത്തിൽ തിരുവനന്തപുരം മാർ ഇവാനിയോസ് കോളജിലെ നന്ദകിഷോറും വീണയിൽ തിരുവനന്തപുരം സ്വാതി തിരുനാൾ കോളജിലെ പല്ലവി കൃഷ്ണ എസ് എസും ഒന്നാം സ്ഥാനം നേടി.
കഥകളി വനിതാവിഭാഗത്തിൽ മാവേലിക്കര ബിഷപ് മൂർ കോളജിലെ മീനാക്ഷി ബി നായരും ഗസൽ (വനിത) മത്സരത്തിൽ തിരുവനന്തപുരം മാർ ഇവാനിയോസ് കോളജിലെ കാവ്യശ്രീ സുരേഷും ഒന്നാമതെത്തി. ഇന്ന് വട്ടപ്പാട്ട്, കുച്ചിപ്പുടി, മാർഗംകളി, വഞ്ചിപ്പാട്ട്, ഗാനമേള, കോൽകളി തുടങ്ങിയ മത്സരങ്ങൾ അരങ്ങേറും.
english summary;Kerala University Arts Festival: Mar Ivanios leads the way
you may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.