കെ. എസ്. ആർ. ടി. സി ബസിൽ യാത്രചെയ്യുകയായിരുന്ന യുവതിയുടെ പഴ്സ് കവർന്ന അന്തർസംസ്ഥാന മോഷണസംഘം അറസ്റ്റിൽ. തമിഴ്‌നാട് തിരുനെൽവേലി പാമ്പൻ കോവിലിൽ ശാന്തിയെന്ന ജ്യോതി, പാമ്പൻകോവിലിൽ രസികമ്മയെന്ന കാമാക്ഷി എന്നിവരാണ് ചങ്ങനാശ്ശേരി പൊലീസിൻറെ പിടിയിലായത്. തിരുവല്ല ഇടിഞ്ഞില്ലത്തുനിന്ന് കോട്ടയം ഭാഗത്തേക്കുള്ള കെ. എസ്. ആർ. ടി. സി ബസിൽ യാത്ര ചെയ്യുകയായിരുന്ന യുവതിയുടെ ബാഗിൽനിന്ന് 1500 രൂപ അടങ്ങുന്ന പഴ്സ് ഇവർ കവരുകയായിരുന്നു. അനാവശ്യ തിക്കും തിരക്കുമുണ്ടാക്കി യുവതിയുടെ ബാഗിൽനിന്ന് ഇവർ മോഷണം നടത്തുകയായിരുന്നു. യുവതിയുടെ പരാതിയിൽ ചങ്ങനാശ്ശേരി കെ. എസ്. ആർ. ടി. സി സ്റ്റാൻഡിലിറങ്ങിയ ഇവരെ പൊലീസ് പിന്തുടർന്ന് പിടികൂടുകയായിരുന്നു. ഇവർക്കെതിരെ വിവിധ പൊലീസ് സ്റ്റേഷനുകളിൽ മോഷണത്തിന് നിരവധി കേസുകളുണ്ടെന്ന് പൊലീസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.