വര്‍ഷങ്ങള്‍ നീണ്ട കാത്തിരിപ്പിനൊടുവില്‍ ഇറ്റാലിയന്‍ ലീഗില്‍ എ സി മിലാന് ചാമ്പ്യന്‍മാരായി. അവസാന മത്സരത്തില്‍ ഏകപക്ഷീയമായ മൂന്ന് ഗോളുകള്‍ക്ക് സസുവോളയെയാണ് മിലാന് തോല്പിച്ചത്. 11 വര്‍ഷത്തെ ഇടവേളയ്ക്ക് ശേഷമാണ് മിലാന് സെരി എ കിരീടമുയര്‍ത്തുന്നത്. 19–ാം കിരീടത്തോടെ ഇന്റർ മിലാന് ഒപ്പമെത്തുകയും ചെയ്തു. 36 കിരീടങ്ങളുമായി യുവന്റസാണ് ഒന്നാമത്. സാസുവോളയ്ക്കെതിരെ ഫ്രഞ്ച് താരം ഒളിവർ ജിരൂദിന്റെ ഇരട്ടഗോളുകളാണ് മിലാന് വിജയമൊരുക്കിയത്. ഫ്രാങ്ക് കെസിയും ലക്ഷ്യം കണ്ടു.
86 പോയിന്റുമായാണ് മിലാൻ കിരീടം വീണ്ടെടുത്തത്. 84 പോയിന്റുള്ള ഇന്റർ മിലാൻ പട്ടികയിൽ രണ്ടാമതാണ്. കഴിഞ്ഞ സീസണിലെ ചാമ്പ്യന്‍മാരാണ് ഇന്റര്‍ മിലാൻ. മൂന്നും നാലും സ്ഥാനങ്ങളിലെത്തിയ നാപ്പോളിയും യുവന്റസും മിലാൻ ടീമുകൾക്കൊപ്പം ചാമ്പ്യൻസ് ലീഗ് ബെർത്ത് സ്വന്തമാക്കി. ഒരു സമനില നേടിയെങ്കിൽ പോലും കിരീടം നേടാമായിരുന്ന മിലാൻ പക്ഷേ, എതിരാളികളെ തകർത്തെറിയുന്ന പ്രകടനമാണ് കാഴ്ചവച്ചത്. അവസാന മത്സരത്തില്‍ ഇന്റര്‍ എതിരില്ലാത്ത മൂന്ന് ഗോളുകള്‍ക്ക് സാംപ്‌ദോറിയയെ കീഴടക്കി. ജോക്വിന്‍ കോറിയ ഇരട്ടഗോളടിച്ചപ്പോള്‍ ഇവാന്‍ പെരിസിച്ചും ലക്ഷ്യം കണ്ടു.
English Summary:Milan are the Italian champions
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.