14 April 2024, Sunday

Related news

April 5, 2024
March 30, 2024
March 28, 2024
March 28, 2024
March 19, 2024
March 18, 2024
March 17, 2024
March 16, 2024
March 15, 2024
March 15, 2024

പൗരത്വ ഭേദഗതി നിയമം നടപ്പാക്കാൻ നീക്കം

Janayugom Webdesk
ന്യൂഡല്‍ഹി
October 16, 2023 11:08 pm

ലോ‌ക‌്സഭാ തെരഞ്ഞെടുപ്പിന് മുന്നോടിയായി പൗരത്വ ഭേദഗതി നിയമം നടപ്പാക്കാൻ ഒരുങ്ങി കേന്ദ്ര സർക്കാർ. പൗരത്വത്തിന് അപേക്ഷിക്കാനുള്ള ഓൺലൈൻ പോർട്ടൽ ഉടൻ സജ്ജമാക്കും. വിവരങ്ങള്‍ നല്‍കുന്നതില്‍ സംസ്ഥാനങ്ങളുടെ ഇപെടല്‍ ഒഴിവാക്കുമെന്നും സൂചനയുണ്ട്. സിഎഎ നടപ്പാക്കി ലോക്‌സഭാ തെരഞ്ഞെടുപ്പിന്റെ പ്രധാന പ്രചരണ വിഷയമാക്കാനും ബിജെപി ലക്ഷ്യമിടുന്നു. 

2019 ഡിസംബർ 10ന് ലോക‌്സഭയിലും 11 ന് രാജ്യസഭയിലും പൗരത്വ ഭേദഗതി ബിൽ പാസാക്കിയിരുന്നു. 2020 ജനുവരിയിൽ കേന്ദ്രം നിയമ ഭേദഗതി വിജ്ഞാപനം ചെയ്തിരുന്നെങ്കിലും ചട്ടങ്ങള്‍ പുറപ്പെടുവിക്കാത്തതിനാല്‍ നിയമം നടപ്പാക്കിയിരുന്നില്ല. നിരവധി തവണ നിയമ മന്ത്രാലയം ചട്ടങ്ങൾ വിജ്ഞാപനം ചെയ്യാനുള്ള സമയ പരിധി പാർലമെന്റിനോട് നീട്ടി ചോദിച്ചിരുന്നു,
കേരളം, ബംഗാള്‍, രാജസ്ഥാന്‍ അടക്കമുള്ള പ്രതിപക്ഷ സംസ്ഥാനങ്ങള്‍ പൗരത്വ ഭേദഗതിയെ എതിര്‍ത്തിരുന്നു. രാജ്യ വ്യാപകമായി ഉയര്‍ന്ന പ്രക്ഷോഭവും തുടര്‍നടപടികള്‍ വൈകുന്നതിന് കാരണമായി. എന്നാല്‍ കോവിഡ് വ്യാപനം കാരണമാണ് നടപടികള്‍ വൈകിയത് എന്നായിരുന്നു കേന്ദ്രസര്‍ക്കാരിന്റെ വിശദീകരണം. എന്നാല്‍ ലോക‌്സഭാ തെരഞ്ഞെടുപ്പ് അടുത്തതോടെ ഉന്നത തലങ്ങളിൽ നിരവധി തവണ ചർച്ചകളും അനുബന്ധ അവതരണങ്ങളും നടന്നുകഴിഞ്ഞു.

പാകിസ്ഥാന്‍, ബംഗ്ലാദേശ്, അഫ്ഗാനിസ്ഥാന്‍ തുടങ്ങിയ അയല്‍രാജ്യങ്ങളില്‍ നിന്ന് 2014 ഡിസംബര്‍ 31ന് മുമ്പ് ഇന്ത്യയിലേക്ക് കുടിയേറിയ മുസ്ലിം വിഭാഗങ്ങള്‍ ഒഴികെ ഹിന്ദു, സിഖ്, ബുദ്ധിസ്റ്റ്, ജെയ്ന്‍, പാഴ്‌സി, ക്രിസ്ത്യന്‍ മത വിഭാഗങ്ങളില്‍ പെട്ടവര്‍ക്ക് ഇന്ത്യന്‍ പൗരത്വത്തിന് അവകാശം നല്‍കുന്നതാണ് നിയമം. 

Eng­lish Sum­ma­ry: Move to imple­ment the Cit­i­zen­ship Amend­ment Act

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.